LUKAS 19:47 - Bahasa Manggarai New Testament

⁴⁷ Néténg leso Hia toing oné Mbaru de Mori Keraéngy. Imam Kepala agu ata pecing Taurat agu isét tu’ad uku Israél, hili-hoés te pandé calang Hias,

LUKAS 19:47 ပူးပေါင်းရင်းမြစ်များ

MATÉUS 21:23

Itu kali ngon Mori Yésus oné Mbaru de Mori Keraéng agu rémé di’an toing nitun Hia, mais imam-imam kepala agu tu’a-tu’a de uku Yahudi oné Hia, mai taéd: “Le kuasa diong tara pandéd Lité paté situ? Agu céing hitut téing kuasa hitu oné Ité?”

MATÉUS 26:55

Du hitu mai taé de Mori Yésus ngong ata do situ: “Nuk de méu aku ho’o ata tako mésé, wiga méu améng taung sempilang agu semambus te deko Aku? Égém Aku néténg leso lonto toing atak oné Mbaru de Mori Keraéng, maik méu toé deko Akum.

MARKUS 11:18

Sanggéd imam kepala agu ata pecing Taurat dengé curup hitu, agu isé pantil kudut ala Hias, ai isé rantang Hias, ita sanggén ata do lenget kétas ali toing Diha.

MARKUS 12:12

Op kali énggérn lisé kudut deko Mori Yésus, ai pecing lisé, ngong isé rapang Diha hitu. Maik isé rantang lawa dos, itug kali ngod agu legong kaut Hias.

MARKUS 14:1

Ramé Paska agu ramé Roti Toé Manga Ragin ného cesuan kali ga. Sanggéd imam kepala agu ata pecing Taurat bantang kawé co’o nawan kudut deko agu ala Mori Yésus,

MARKUS 14:49

Kali po Aku lété leso manga oné bahi-réha méuk, toing oné Mbaru de Mori Keraéng, agu méu toé deko Akum. Landing paka helek kin apa ata poli tulis oné Surak Nggeluk.”

LUKAS 19:48

maik toé pecing lisé co’o molé nawan, ai sanggéd ro’éng pa'u naid agu Hias, agu ngoéng kétas séngét toing Dihas.

LUKAS 20:19

Itug kali isét pecing Taurat agu imam kepala hidut te deko Hia du hitu muing, ai pecing lisé betuan rapang hitu latang te isé; maik isé rantang lawa do situ.

YOHANÉS 10:39

Cengkalin kolé, te damang, te deko Hia lisé, maik Hia mo’éng oné mai limé disén.

YOHANÉS 18:20

Mai walé de Mori Yésus agu hia: “Aku tombo tulak agu lino ho’o: Aku toing mtaung oné sanggéd mbaru ngaji agu oné Mbaru de Mori Keraéng, osang baté impungd ata Yahudi; toé dé’it manga cehad curup Daku.

YOHANÉS 7:19

Toé weli hi Musa ata poli téing adak Taurat oné méu? Maik lagit cengatan koé oné mai méu ata pandé lorong adak Taurat situ. Co’o tara kudut ala Akus méu?”

YOHANÉS 7:44

Manga pisa taus oné mai isé kudut te deko Hias, maik toé kéta cengatan ata cukungn te cadi Hia.