LUKAS 19:12 - Bahasa Manggarai New Testament

¹² Maig taé Diha: “Manga cengata keraéng, angkak ngo tana pé’angy, kudut téti ciri raja nituy agu du poli hitu itu po koléy.

LUKAS 19:12 ပူးပေါင်းရင်းမြစ်များ

MATÉUS 21:38

Maik du isé situt duat ita lisé anakn hitu, mai taéd cama taud: Hiap ata tiba mbaté, wajo mbelé kolé hia lité, kudut mbatén ciri dités morid.

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

MARKUS 12:1

Og kali Mori Yésus pu’ung toing isén ali rapang: “Manga cengata rimu uma kudut po’ong anggorn agu kena taung baling-main. Hia tekang di’a galang watu te kerak waé anggor, agu hesé sékang langkas kudut lamin. Poli hitu téi célong liha uma hitu oné isét ciwaln, itu kali ngo pé’ang tana pé’angy.

MARKUS 16:19

Du poli curup nenggitun Mori Yésus agu isé, héndéng Hia nggere-éta Surga, agu lonto du racap wanang de Mori Keraéng.

LUKAS 20:9

Itu kali Mori Yésus tombo rapang ho’o oné ata do: “Manga cengata ata pandé uma anggory; poli hitu téing sawi oné isét ciwaln; itug kali hia angkak ngo tana pé’ang agu ka’éng nitu remo béhéngn.

LUKAS 24:51

Cang agu berkak iséN, Hia bécang agu iséy, agu héndéng nggere-éta SurgaY.

YOHANÉS 18:37

Mai taé di Pilatus ngong Hia: “Jari, Raja weli Hau ko?” Mai walé de Mori Yésus: “Taé dité Aku rajak. Ai latang te hitu Kaku tara loasg, agu latang te hitu Kaku tara maig oné lino ho’o, kudut Aku téing sabi latang te molor; néténg ata situt oné mai molord, te pinga reweng Dakus.”

TOMBO PÉTÉ GORI DE RASUL-RASUL 17:31

Ai Hia poli wérét ca leso kudut bicar lino le cengata ata poli tétin Liha. Agu kudut imbin le sanggén ata, Mori Keraéng poli pandé mosé kolé ata hitu oné mai ata matan!”

1 KORINTUS 15:25

Ai Mori Yésus paka cau perénta ného Rajay dengkir Mori Keraéng pandé koda taungs ata balin agu na’a wa mai wa’i di Kristus.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.

WIDANG SI’ANG ONÉ HI YOHANÉS 1:7

Lélo dé, Hia mai lobo rewungy, agu néténg mata te lélo Hia, nggitu kolé isét poli jelok Hia. Sanggéd wa’u oné lino te jéjéngs landing Hia. Yo, toé celan! Amén!