LUKAS 18:9 - Bahasa Manggarai New Testament

⁹ Agu oné pisa tau ata situt le taé rud molor, agu lélo radak taung ata bana, Mori Yésus tombo rapang ho’o:

LUKAS 18:9 ပူးပေါင်းရင်းမြစ်များ

LUKAS 10:29

Maik kudut molor kaut le weki run, mai taé data hitu ngong Mori Yésus: “Agu céingy néng cama haé atag hitu?”

LUKAS 15:2

Itug kali nggerengga’utd ata Parisi agu ata pecing Taurat, mai taéd: “Hia tiba ata ndékoky, agu hang cama agu iséy.”

LUKAS 16:15

Maig taé Diha ngong isé: “Méu di’a kaut le rus wa ranga data, maik Mori Keraéng pecing nai dé méu. Ai apa situt sobit laing le manusia, kodoy le Mori Keraéng.

LUKAS 18:11

Ata Parisi hitu hesé dion oné mai ata bana agu ngaji nenggo’oy: Yo Mori, aku wali di’a agu Ité, ai aku toé ného ata situk, toé ata purak, toé ata gutek, toé ata mbérongk, agu toé kolé ného ata tegi béa ho’ok;

LUKAS 19:7

Maik sanggéd ata situt itan apa hitu nggeré-ngga’uts, mai taéd: “Hia ka’éng oné mbaru data ndékoky.”

LUKAS 7:39

Du ata Parisi hitut siro Mori Yésus, ita pandé de inéwai hitu, mai taén oné nain: “Damang émét nabi de Hia ho’o, pecing kéta muing Liha, céing péng, agu inéwai ata apa péng hitut omar Hia; pecing kéta Liha, te inéwai hitu, cengata ata ndékoky.”

YOHANÉS 8:48

Sanggéd tu’a data Yahudi koléng Mori Yésus: “Toé weli tu’ung taé dami te Hau ata Samariah agu hena le jing da’ath?”

YOHANÉS 9:28

Cang agu mbéis mai taéd ngong hia: “Hau ata nungku Diha, maik ami kali ata nungku di Musakm.

YOHANÉS 9:34

Mai walé disé: “Hau ho’o loas kéta déméng agu ndékokm, jari hau kudut toing amih?” Itu kali wur nggere-pé’angn hia lisé.

TOMBO PÉTÉ GORI DE RASUL-RASUL 22:21

Maik mai taé de Mori Yésus agu aku: Ngoh ga, ai Aku jera hau ngo tadang oné wa’u-wa’u bana.”

ROMA 10:3

Ai ali isé toé pecing salang junggu de Mori Keraéng agu ali isé molor kaut le weki rud, itu tara isé toé kodas ali salang junggu Diha.

ROMA 14:10

Landing hau, co’o tara mbéis agu lenggad asé-ka’ém situt ca imbi? Ai sanggéd taung ité te kamping kudut tiba beté-bicar de Mori Keraéng.

ROMA 14:3

Céi ata hang apa kaut néka mbéis ata siot woni, agu céi ata woni néka mbéis ata situt hang apa kaut, ai Mori Keraéng poli tiba ata hitun.

ROMA 7:9

Danong toé manga wintuk Taurat, mosé kig aku. Maik du poli cain wintuk hitu, pu’ung’g mosén ndékok,