LUKAS 18:43 - Bahasa Manggarai New Testament

⁴³ Agu du hitu kéta muing, itag liha; poli hitu, lut Hiay cang agu bong Mori Keraéngn. Du lawa do situ ita tanda lenget hitu, sanggéd taung isé naring Mori Keraéng.

LUKAS 18:43 ပူးပေါင်းရင်းမြစ်များ

MATÉUS 11:5

Ata buta ngancéng lélo, ata péko ngancéng lako, ata boké ciri helis wekin, ata nenteng ciri nilor, ata mata mosé kolé, agu oné isét lénggé ba keréba di’a.

MATÉUS 21:14

Itu kali: maid isét buta agu isét senggot oné Hia, oné Mbaru de Mori Keraéng, agu pandé ina taungs Liha.

MATÉUS 9:8

Wiga ata do situt ita pandé hitu, rantangs, itu kali naring Mori Keraéngd ata poli téing kuasa nenggitu oné manusia.

LUKAS 13:17

Agu du Hia curup nenggitun, sanggéd ata balin ritaks, maik sanggéd taung lawa do naka kétas, landing sanggéd tanda lenget situt poli pandé Liha.

LUKAS 19:37

Du Hia ruis Yérusalémy, oné baté redun Golo Zaitun, pu’ungs sanggéd ata nungku situt lako ndorik agu Hia, jikir kétas naring Mori Keraéng agu ciéks, landing sanggéd tanda lenget situt poli itad lisé.

LUKAS 4:39

Itu kali hesén Hia lupi inéwai hitu, agu kenta pémpang hitu; wiga pémpang hitu mora kéta muingy. Itu kali inéwai hitu hidi-hadan to’on, agu tiba isén.

LUKAS 5:26

Sanggéd ata situ lenget kétas, itu kali bong Mori Keraéngd agu rantang kétas isé, mai taéd: “Leso ho’o, ami poli ita le matagm sanggéd apa ata lenget kéta laings.”

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

TOMBO PÉTÉ GORI DE RASUL-RASUL 4:21

Tambang kéta cirangn ngerek disé kamping rasul-rasul situ, maik cemoln ga, lego kolés isé, ai lonto léok hitu toé manga ita salangn te wahéng isé, ai lawa-do naring Mori Keraéng lut tanda lenget hitut pandé di Pétrus.

GALATIA 1:24

Itu kali isé bong ngasang de Mori Keraéng landing aku.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.