LUKAS 18:16 - Bahasa Manggarai New Testament

¹⁶ Maik Mori Yésus bénta isé, agu mai taéN: “Ondangd anak koé situ mai cé’é Akud, agu méu néka caka isém, ai ata situt nenggitus, ata manga paéng Adak de Mori Keraéngd.

LUKAS 18:16 ပူးပေါင်းရင်းမြစ်များ

MATÉUS 19:14

Maik mai taé de Mori Yésus: “Ondangs anak koé situ, néka cakas te mai nggere-cé’é Aku; ai ata ného isé situ dé morin Adak Surga.”

LUKAS 18:15

Itu kali maid ata, dadé anakd situt ngai koéd oné Mori Yésus, kudut Hia omar agu berkak iséy. Ita hitu, ata nungku Diha rabo ata situ.

LUKAS 18:17

Aku taé agu méu: Moro matan kéta, céing ata toé tiba Adak de Mori Keraéng ného cengata anak koé, hia toé kéta ngo bonéy.”

TOMBO PÉTÉ GORI DE RASUL-RASUL 2:39

Ai latang te méu muing reké hitu agu latang te sanggéd anaks agu latang te ata siot ngai tadang kid, ného nia kaut dod te béntas le Mori Keraéng dité.”

1 KORINTUS 14:20

Asé-ka’én, néka cama ného nuk de anak koém. Ciri anak koé kali oné pandé da’ats, maik ciri ata tu’a oné nuks.

1 KORINTUS 7:14

Ai ronan hitut toé imbi pandé nggeluk le winan, agu wina hitut toé imbi pandé nggeluk le ronan. Émé toé nenggituy, toét-toé sanggéd anak de méu ciri ata kafir, kali po te ho’on isé ciri ata imbi.

1 PETRUS 2:2

Jari koém ného anak wara hiot loas weru, hiot masa mtaung waé cucu ata nggélok, ngong reweng de Mori Keraéng, ali hitu uwa imbis agu haéng selamak.