LUKAS 17:6 - Bahasa Manggarai New Testament

⁶ Mai walé de Mori Yésus: “Émé méu manga imbis cama wini sawé kauty, méu ngancéng taé ngong pu’u ara ho’o: Wakak hau, agu pacek lau tacikh, hia te lorong agu hauy.”

LUKAS 17:6 ပူးပေါင်းရင်းမြစ်များ

MATÉUS 14:29

Mai taé dé Mori Yésus: “Mai ga!” Og wa’un hi Pétrus oné mai wangka agu lako lobo waé té cumang Mori Yésus.

MATÉUS 17:20

Mai walé Diha agu isé: “Ai méu toé danga imbi. Aku taé agu meu: Moron, émét nggo’o koé méu manga imbis tamat ného lincé sawé mésen, méu ngancéng taé ngong poco ho’o: Hésing cé’é mai ho’o, ngo nggeresina ituh, ngasang hésing dé poco hitu, agu toé manga ata toén latang te méu [

MATÉUS 21:21

Mai walé de Mori Yésus agu isé: “Aku taé agu méu, moro matan, émé méu imbi agu toé manga rambang nais méu, toé hanang ngancéng pandé apa ata pandé Daku agu haju ara hitu, maik ngancéng kolé méu émé taé agu poco ho’o: hésing ga agu wéwéng nggeroné tacik! Jariy apa hitu.

MARKUS 4:31

Adak hitu rapangn cama ného wini sawé ata weri wa tana. Bo kali wini hitu kéta ata merikn oné mai sanggéd wini ata mangad oné lino.

MARKUS 9:23

Mai walé de Mori Yésus: “Taé de hau, émé ngancéng Lité? Toé manga ata toé ngancéng latang te ata imbi!”

LUKAS 13:19

Adak de Mori Keraéng, rapangn cama ného wini sawé, hitut emi lata, wéras oné uman; wini situ todo agu ciri pu’u mésé, agu kaka lélap situ éta awang pandé cewo oné dangkan.”

LUKAS 17:7

“Céingy oné mai méu ata manga cengata mendin, ata ngo bajaky ko lami wéang pé’ang oka te hau taé agu mendi hitu, du kolé duatn: Gélang koé mai hang!

LUKAS 19:4

Itug kali hia mburuk bolo mai ata don, poli hitu tuké éta lobo haju aray, te lélo Mori Yésus, hitut kudut liba nituy.

LUKAS 7:13

Ita le Mori Yésus inéwai luang hitu, kembuk pucun le momang; itug kali tae de Mori Yésus agu hia: “Endé, emo rétang ga!”

LUKAS 7:19

béntas liha sua taus oné mai isé agu jera ngo oné Mori Yésus, te réi: “Itéy hitut kudut mai, ko ami paka géréng kolé ata bana?”

1 KORINTUS 13:2

Koném po aku manga widang latang te nubuat, agu pecing taung pété ceha agu paéng sanggéd pecing do, agu koném po aku paéng imbi ata jepekn latang te hésing poco, maik émé aku toé momang haé ata, aku toé manga belar laing.