LUKAS 16:9 - Bahasa Manggarai New Testament

⁹ Aku taé agu méu: pandé woé-nelu di’a-di’a agu bora de lino hitut toé hepes, kudut émé bora de lino hitu, toé ngancéng campé kolé méun, méu ngancéng tibas oné ndéi tédéng lén.”

LUKAS 16:9 ပူးပေါင်းရင်းမြစ်များ

MATÉUS 19:21

Mai taé de Mori Yésus agu hia: “Émé ngoéng kudut jepekm hau, ngoh ga, pika kéta taungs paéngm agu téing isét lénggé, le hitu hau tiba paéng de Surga, poli hitu nggere-cé’é Aku agu lut Akuh.”

MATÉUS 6:19

“Néka ligots le méu wéang oné lino, oné lino kotos agu ta’i upas te pandé da’at agu ata tako, rongkas agu takos lisé.

MATÉUS 6:24

Méu toé ngancéng ciri mendi de sua mori. Ai émé nenggituy jogot dé ho’o ca, ho’o ca ga momangy, ko sundur agu ho’o cengata, ho’o cengata ga toé lélo calay. Méu toé ngancéng lut Mori Keraéng, ngai deming kin wéang.”

LUKAS 11:41

Maik téing koé ici oné main ného reco, agu moro matan, sanggén taung situ te ciri nggélok latang te méu.

LUKAS 12:33

Pika taungs le méu sanggéd cao-cas agu téing recos! Pandé ga le méu kandi hitut toé ciri mangay; ngong ca ceca éta Surga hitut toé ngancéng cipotn, toé ngancéng ruis lata takon, agu toé ngancéng hang le pakotn.

LUKAS 14:14

Agu hau te cébo mosém, ai isé toé manga do’ong apa-apad te léko agu hau. Ai hau te delék walid du leso to’o koléd isét molor.”

LUKAS 16:11

Jari, émé méu toé tipeks latang te bora de lino hitut toé hepesn, céingy weli ata imbi laing méun bora de wakar ata tu’ung-tu’ung?

LUKAS 16:13

Ca mendi toé ngancéng io agu sua mori. Ai émé nenggitu, hia te kodo hitut cengata, agu momang hitut ca, ko hia te tipekn agu hitut cengata, agu toé bilang laing hiat cengata. Méu toé ngancéng io Mori Keraéng agu io oné bora de lino.”

LUKAS 16:4

Pecing laku ga, co’o pandé daku, kudut émé kenik aku oné mai gori ciko boran manga kin atan te tiba aku oné mbarud.

TOMBO PÉTÉ GORI DE RASUL-RASUL 10:31

agu mai taen: Oé Kornélius, ngaji de hau dengé taungs le Mori Keraéng agu sanggéd recom, nuk taungs Liha.

TOMBO PÉTÉ GORI DE RASUL-RASUL 10:4

Hia lélo malékat hitu agu déméng rantang, mai taén: “Co’o tombo dité, Tuang?” Mai walé de malékat hitu agu hia: “Sanggéd ngajim agu recom, cai oné ranga de Mori Keraéng agu Mori Keraéng nuk hauy.”

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

YUDAS 1:21

Mosé koém oné mbau momang de Mori Keraéng, cang agu géréng nabit de Mori dité Yésus Kristus latang te mosé tédéng lén.