LUKAS 16:3 - Bahasa Manggarai New Testament

³ Mai taé oné nain hiat wintuk bora: Co’o kétag péng laku pandén. Morig te keni aku oné mai gori cau boran. Bom ngancéng wedak tanak aku; sanggar-sanggar bog limég te tegi, ritak kolék aku.

LUKAS 16:3 ပူးပေါင်းရင်းမြစ်များ

MATÉUS 20:8

Du wiég tana, mai taé de tuang hitu agu mandorn: béntas isét duat pala situ agu bajar nggajingd, pu’ung oné mai isét duat taki musi comong dengkir agu isét duat laring cai.

MARKUS 10:46

Itu kali cain Mori Yésus agu ata nungkun oné Yériko. Agu du Mori Yésus angkak oné mai Yérikon, cama-cama agu ata nungkun, agu lawa do situt lusut kétas lud, manga cengata ata buta, te tegi campé, ngasangn hi Bartiméus, anak di Timéus, lonto kin lupi salang.

LUKAS 12:17

Hia réi oné nai koén: Co’o kétag laku pandéd, ai aku toé manga osang te ngancéng na’ad laku cir tanag.

LUKAS 16:2

Itug kali siron liha hiat ciko ni’ang hitu, agu mai taén ngong hia: Manga kéta dengég aku latang te hau ta? Wajo dé papongd situt nipu de haud, ai emo de’it hau gah te wintuk bora daku.

LUKAS 16:20

Agu manga kolé cengata, ata sanggar-sanggar bon limén tegin, ngasangn hi Lazarus; wekin hena le bokéy, halas kin wa ruis para diha hitut boray;

LUKAS 16:22

Ného cepisan, matay ata lénggé hitu, mai malékat dadé hia lobo pa’a di Abraham.

LUKAS 16:4

Pecing laku ga, co’o pandé daku, kudut émé kenik aku oné mai gori ciko boran manga kin atan te tiba aku oné mbarud.

LUKAS 18:4

Manga pisa leso béhéngn, ogoy adak hitu. Maik ného cepisan, mai taén oné nain: Koném po aku toé rantang Mori Keraéngk, agu toé hiang céing kautk,

YOHANÉS 9:8

Maik haé béon agu isé situt danong baé hia ata buta agu ata lénggéy, mai taéd: “Cala hia ho’op hiot sanggar-sanggar bon limén te tegi?”

TOMBO PÉTÉ GORI DE RASUL-RASUL 3:2

Nitu manga cengata ata rona, ata péko du loas main, wiga hia paka berotong moléy. Lété leso ata hitu lonto dehak para Mbaru de Mori Keraéng ata caron Lewang Nau, kudut tegi séng oné ata situt ngo oné Mbaru de Mori Keraéng.

TOMBO PÉTÉ GORI DE RASUL-RASUL 9:6

Maik to’oh ga, agu ngoh oné béndar. Nitu manga ata taé agu hau, apa ata paka pandé de hau.”

2 TÉSALONIKA 3:11

Ami curup nenggo’o, ai dengé lami, manga ata oné bahi-réha méu ata toé kitep mosén agu ogon te gori, maik hidut agu apa ata toé manga betuan.