LUKAS 16:28 - Bahasa Manggarai New Testament

²⁸ ai manga lima kid asé-ka’é daku, kudut hia langi kéta tu’ung isé, kudut isé néka mai oné osang ho’os tai.

LUKAS 16:28 ပူးပေါင်းရင်းမြစ်များ

LUKAS 16:27

Mai taé data hitu: Émé nenggitu aku tegi agu ité, ema, kudut ité jera hia ngo oné mbaru de ema daku;

TOMBO PÉTÉ GORI DE RASUL-RASUL 10:42

Hia poli jera ami ba keréba oné sanggén wa’u Yahudi hitu, agu téi saka-si te Hia hitu poli tétin le Mori Keraéng te ciri Adak latang te ata mosé agu ata mata.

TOMBO PÉTÉ GORI DE RASUL-RASUL 18:5

Du hi Silas agu hi Timotéus mai oné mai tana Makédonia, hi Paulus wangkag ba keréba di’a agu téi saka-si oné ata Yahudi, te Mori Yésus hitu Mésias.

TOMBO PÉTÉ GORI DE RASUL-RASUL 2:40

Ali dod kolé tombo bana, hia téing saka-sin agu duduk isé, mai taén: “Téing ga wekim te selamak oné mai ata weki da’at so’o.”

TOMBO PÉTÉ GORI DE RASUL-RASUL 20:21

Aku kolé téi saka-si oné ata Yahudi agu ata Yunani kudut isé teser oné Mori Keraéng, agu imbi oné Mori Yésus.

TOMBO PÉTÉ GORI DE RASUL-RASUL 20:23

Pecing daku kali, Nai Nggeluk poli tombo si’angn agu aku oné néténg béndar te aku oné buik agu paka ta’ong susak.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

TOMBO PÉTÉ GORI DE RASUL-RASUL 23:11

Ného diang wién, Mori Yésus mai hesé lupi hia agu mai taén: “Pandé mberés naim, ai ného ranim hitu poli téi saka-si latang te Aku, oné Yérusalém, nenggitu kolé hau paka saka-si oné Roma.”

TOMBO PÉTÉ GORI DE RASUL-RASUL 26:22

Maik ali campé de Mori Keraéng, aku ngancéng mosé kig dengkir te ho’on agu téi saka-si oné ata koé agu oné ranga data mésé. Apa situt keréba daku toé manga cebanan kolé oné mai apa ata poli tombo olod le nabi-nabi agu li Musa,

TOMBO PÉTÉ GORI DE RASUL-RASUL 28:23

Itu kali isé reké ca leson latang te hi Paulus. Du leso hitu, mais isé logur kétas nggere-oné mbaru ka’éng diha Hia tombo taung agu téi saka-si oné isé latang te Mori Keraéng hitut perénta ného raja; agu lorong wintuk di Musa agu Surak de Nabi-nabi, hia tombo kudut imbi lisé Mori Yésus. Tombo hitu pu’ung gula main dengkir mané.

TOMBO PÉTÉ GORI DE RASUL-RASUL 8:25

Du poli taung téi saka-si agu keréba reweng de Mori Keraéng, og kali koléd nggere-oné Yérusalém agu oné salang, isé tombo Keréba Di’a oné néténg-néténg béo tana Samaria.

GALATIA 5:3

Aku taé cangkalin kolé, néténg ata hitut lorong wintuk sunat, te hia hitu paka lorong sanggéd wintuk Taurat.

ÉFÉSUS 4:17

Le ngasang de Morin, aku taé agu si’ang tu’ung oné méu: Néka mosé ného ata siot toé pecing Mori Keraéng agu nuk ata toé manga betuad.

TÉSALONIKA 2:11

Pecing le méu ami ho’o, cama ného ema latang te sanggéd anakn, poli toing agu pandé mberes nai oné néténg-néténg méu.

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.