LUKAS 16:24 - Bahasa Manggarai New Testament

²⁴ Itug kali kepokn hia, agu mai taén: Ema Abraham, ba’éng koé aku. Jera koé hi Lazarus, kudut hia bembo lobo limé toson oné waé, kudut pandé lep koé lema daku, ai aku beti bailk oné dila api ho’o.

LUKAS 16:24 ပူးပေါင်းရင်းမြစ်များ

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

MATÉUS 3:9

Agu néka bet le méu te ngancéng taé oné nais: hi Abraham dé empo dami. Landing aku taé agu méu: Mori Keraéng ngancéng dédék te ciri anaks latang te Abraham oné mai watu-watu so’o!

MATÉUS 5:22

Maik Aku taé agu méu: Céing kaut ata rabo agu asé-ka’én, paka wahéng: Céing ata taé bapa béngot! ngong asé-ka’én paka ba oné ranga de Adak Agamay, agu céing ata taé: kafir! Paka oké oné api nerakay ata ganggor kin dilan.

LUKAS 16:30

Mai walé data hitu: Toé, ema Abraham, ai émé manga cengatan ata, hitut mai oné mai ata matan, ngo oné isé, isé te tesérs.

LUKAS 19:9

Mai taé de Mori Yésus ngong hia: “Leso ho’o, poli cain selamak oné mbaru ho’o, ai ata ho’o kolé anak di Abrahamy.

LUKAS 3:8

Itu tara cir koé wua ata pakep tau agu teser. Agu néka nuk oné nai koés: Hi Abraham ema dami! Ai taé laku agu méu: Mori Keraéng ngancéng pandé sanggéd anak latang te hi Abraham oné mai sanggéd watu so’o!

YOHANÉS 4:10

Mai walé de Mori Yésus agu hia: “Émé pecing le hau latang té widang de Mori Keraéng, agu céing Hia ho’ot curup agu hau: Téing Aku inung! Toé te toé hau tegi agu Hia, agu Hia poli téing agu hau waé mosé.”

YOHANÉS 4:14

maik céing kaut ata inung waé ata kudut téing Laku agu hia, hia toé masa koléy tédéng lén, maik waé ata kudut téing Daku agu hia, kudut ciri mata waé oné weki dihay ata mboas molém taung dengkir tédéng lén.”

YOHANÉS 7:37

Du leso cemoln hitu kétag adak mésé hitu, hesé Mori Yésus agu mai taéN: “Céing-céing ata masa waéy, co’om mai inung oné Akuy!

ROMA 4:12

Abraham kolé te ciri ema de sanggéd ata sunat, ngong isét toé hanang sunat, maik ata lut kolé lé’é imbi di Abraham, empo dité, du hia toé di sunat.

2 TÉSALONIKA 1:8

Mori Yésus téing susa oné isét toé imbi Mori Keraéngs, agu toé lorong Keréba Di’a.

JAMES 2:13

Ai Mori Keraéng toé toto momang agu mohas oné ata hiot toé pecing momang, maik momang agu mohas céwé mberes oné-mai terungku.

JAMES 3:6

Lema hitu cama ného apiy. Hia dé pu’un da’at te wécak da’at situ oné sanggéd taung weki dité. Le api wa-mai neraka hia pandé muntung taung sanggéd weki dité.

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

WIDANG SI’ANG ONÉ HI YOHANÉS 20:15

Néténg ata situt toé ita ngasangd oné Surak Data Mosé hitu, peké nggere-oné api mésé hituy.

WIDANG SI’ANG ONÉ HI YOHANÉS 22:1

Itug kali toin liha oné aku ngalor waé mosé oné be réha salang de béndar hitu, ata cino ného watu nggireng wa’a oné-mai seriga de Mori Keraéng agu seriga de Anak Jimbal.