LUKAS 16:2 - Bahasa Manggarai New Testament

² Itug kali siron liha hiat ciko ni’ang hitu, agu mai taén ngong hia: Manga kéta dengég aku latang te hau ta? Wajo dé papongd situt nipu de haud, ai emo de’it hau gah te wintuk bora daku.

LUKAS 16:2 ပူးပေါင်းရင်းမြစ်များ

MATÉUS 12:36

Maik aku taé agu méu: néténg curup ata pinanaéngd, situt curup lata, paka tura rajad liha du leso beté bicar.

MATÉUS 20:8

Du wiég tana, mai taé de tuang hitu agu mandorn: béntas isét duat pala situ agu bajar nggajingd, pu’ung oné mai isét duat taki musi comong dengkir agu isét duat laring cai.

LUKAS 12:20

Maik taé de Mori Keraéng ngong hia; oé haut bapa, le wié ho’o muing wakar de hau te emiy oné mai haun, agu apa situt poli nangketd le hau, te céis néngm tai?

LUKAS 12:42

Mai walé de Mori Yésus: Jari, céing weli ata wintuk mbaru, hiot junggu agu nggalasn, hitut kudut téti le Morin, ciri tu’ad sanggéd mendin, te téi hang du hitug redun?

LUKAS 16:1

Agu Mori Yésus curup agu ata nungkun: “Cengata ata bora, ata wintuk le cengatas boran. Ata bora hitu tiba mangkong, te ata ciko ni’ang diha dondé pandé mbolohaés boran.

LUKAS 16:3

Mai taé oné nain hiat wintuk bora: Co’o kétag péng laku pandén. Morig te keni aku oné mai gori cau boran. Bom ngancéng wedak tanak aku; sanggar-sanggar bog limég te tegi, ritak kolék aku.

ROMA 14:12

Nenggitu dé néténg ité, papong le weki rud sanggéd pandé dité oné ranga de Mori Keraéng.

1 KORINTUS 1:11

Ai nggo’o asé-ka’én, aku dengé tombo data oné-mai kilo di Klo’é, te manga nggu-ngget oné bahi-réha méu.

1 KORINTUS 4:2

Cemoln, isét keturu paka ciri mendi di Kristus kudut isé ngancéng imbi le Mori Keraéng.

1 KORINTUS 4:5

Landing hitu néka beté-bicar émé toé di hitu redun, ngong émé toé di mai Mori Keraéng. Hia te pandé gérak apa situt ceha oné nendép, agu Hia kudut totos apa situt nanéng oné nai. Du leson tai, néténg ata kudut tiba naring de Mori Keraéng.

2 KORINTUS 5:10

Ai sanggéd taung ité paka ngo oné seriga beté-bicar di Kristus, kudut néténg ata tiba apa ata naun te tiba liha lorong agu pandén oné mosé ho’o, ata di’ad ko ata da’atd.

2 TIMOTÉUS 4:14

Hau néka ngondé te papé tabing situt téing de Nai Nggeluk, du sanggéd tu’a de weki serani berkak agu témba liméd béta mai ulu de hau agu sanggéd nabi poli tombo pedé de Mori Keraéng latang te weki de hau.

2 TIMOTÉUS 5:24

Ndékok de pisa taus ata, du toé di bicar si’angs itad, maik ndékok data bana musi-mais di po pecing.

1 PETRUS 4:10

Keturu di’a-di’a koé cama taus, lorong agu tabing hitut poli tiba oné néténg méu. Ali hitu, méu ngancéng ciri ata nggalas te wintuk widang de Mori Keraéng.

1 PETRUS 4:5

Maik, tai isé paka papong oné Mori Keraéng hitut poli géréng te beté-bicar data mosé agu data mata.

WIDANG SI’ANG ONÉ HI YOHANÉS 20:12

Itas laku sanggéd ata mata, étan tu’a agu wan koé, hesé bolo-mai seriga hitu. Og kali céngkad sanggéd surak, agu ca surak bana kolé, ngong Surak Data Mosé. Sanggéd ata mata tiba beté-bicars lorong agu pandéd, ného apa ata poli tulisd oné surak situ.