LUKAS 16:13 - Bahasa Manggarai New Testament

¹³ Ca mendi toé ngancéng io agu sua mori. Ai émé nenggitu, hia te kodo hitut cengata, agu momang hitut ca, ko hia te tipekn agu hitut cengata, agu toé bilang laing hiat cengata. Méu toé ngancéng io Mori Keraéng agu io oné bora de lino.”

LUKAS 16:13 ပူးပေါင်းရင်းမြစ်များ

MATÉUS 4:10

Mai taé de Mori Yésus ngong hia: “Ngoh ga, hau jing da’at! Ai manga poli tulisn: Hau paka io agu suju Mori Keraéngm agu hanang Hia kali ata patun te hiang!”

MATÉUS 6:24

Méu toé ngancéng ciri mendi de sua mori. Ai émé nenggituy jogot dé ho’o ca, ho’o ca ga momangy, ko sundur agu ho’o cengata, ho’o cengata ga toé lélo calay. Méu toé ngancéng lut Mori Keraéng, ngai deming kin wéang.”

LUKAS 11:23

Céing ata toé cama laing agu Aku, hia lawang Akuy, agu céing ata cégot gori Daku, hia ata pandé mbihi-mbehar.”

LUKAS 14:26

“Émé ca ata mai cé’é Akuy, maik hia toé rangkat eman, endén, winan, anakn, asé-ka’én ko wetan, ngot mosé de run hia toé ngancéng ciri ata nungku Dakun.

LUKAS 16:12

Agu émé méu toé tipeks agu bora data bana, céingy ata téing bora de weki rum agu hau?

LUKAS 16:9

Aku taé agu méu: pandé woé-nelu di’a-di’a agu bora de lino hitut toé hepes, kudut émé bora de lino hitu, toé ngancéng campé kolé méun, méu ngancéng tibas oné ndéi tédéng lén.”

LUKAS 9:50

Mai taé de Mori Yésus ngong hia: “Néka ré’ing le méu, ai céing ata toé lawang méu, hia cecupu mai méuy.”

JAMES 4:4

Oé méut ata toé junggu! Toé pecing le méu ko, te haé reba agu belek de lino pandé bali agu Mori Keraéng? Jari, céing kaut ata pandé haé reba agu lino ho’o, hia hitu te ciri bali de Mori Keraéng.