LUKAS 16:1 - Bahasa Manggarai New Testament

¹ Agu Mori Yésus curup agu ata nungkun: “Cengata ata bora, ata wintuk le cengatas boran. Ata bora hitu tiba mangkong, te ata ciko ni’ang diha dondé pandé mbolohaés boran.

LUKAS 16:1 ပူးပေါင်းရင်းမြစ်များ

MATÉUS 20:8

Du wiég tana, mai taé de tuang hitu agu mandorn: béntas isét duat pala situ agu bajar nggajingd, pu’ung oné mai isét duat taki musi comong dengkir agu isét duat laring cai.

LUKAS 12:42

Mai walé de Mori Yésus: Jari, céing weli ata wintuk mbaru, hiot junggu agu nggalasn, hitut kudut téti le Morin, ciri tu’ad sanggéd mendin, te téi hang du hitug redun?

LUKAS 15:13

Pisa leso wa ga, anak koé cucu hitu pika taungs ranga dihad, poli hitu ngo tana pé’angy. Nitu hia mbolohaés boran situ, agu mosé wan ca, étan ca.

LUKAS 15:30

Maik hitud cain anakm hitut poli mbolohaés bora dité ema agu inéwai mbérong, mbelé kéta anak japi ata mbuheln te hia.

LUKAS 16:19

“Manga cengata ata bora, hitut paké mtaung juba langoy agu towé hemél, agu bilang leson hia raos ramé, hanang ata minakn.

LUKAS 16:2

Itug kali siron liha hiat ciko ni’ang hitu, agu mai taén ngong hia: Manga kéta dengég aku latang te hau ta? Wajo dé papongd situt nipu de haud, ai emo de’it hau gah te wintuk bora daku.

LUKAS 19:20

Agu mendi situt iwod mai, agu mai taén: Keraéng, ho’oy séng mina dité, aku poli rokot kin le caré-caréy.

LUKAS 8:3

hi Yohana wina di Khusa ata cau séng di Hérodés, hi Susana agu dod kolé inéwai bana. Sanggéd inéwai so’o, ata gori keturu te lawa situ le paéng rud.

TITUS 1:7

Ai ata wintuk mbaru de Mori Keraéng, atat toé manga celan, toé mésé nai, toé heres, toé langu tuak, toé rabo agu toé gomeng,

JAMES 4:3

Aram bo ngajis méu, maik toé manga tiba apa-apas ai toé molor ngajis, ai apa ata tegi de méu kudut pandé laos belek da’ats kanang.

1 PETRUS 4:10

Keturu di’a-di’a koé cama taus, lorong agu tabing hitut poli tiba oné néténg méu. Ali hitu, méu ngancéng ciri ata nggalas te wintuk widang de Mori Keraéng.