LUKAS 15:6 - Bahasa Manggarai New Testament

⁶ Agu du cai oné mbarun, hia bénta taungs haé reban agu haé béon, mai taén ngong isé: Kais koé nais cama laing agu aku, ai jimbal daku ho’ot mora, ita kolé gi.

LUKAS 15:6 ပူးပေါင်းရင်းမြစ်များ

LUKAS 1:58

Du dengé le haé béon, agu taung haé ukun, te Mori Keraéng poli toi nabitn hitut nggitu bail mésén oné hia, naka kétas isé cama laing agu hia.

LUKAS 15:10

Aku taé agu méu: Nenggitu kolé nakad sanggéd malékat de Mori Keraéng, landing tesérn cengata ata ndékok.”

LUKAS 15:24

Ai anak daku ho’o néhot poli matan, maik mosé koléy, hiat poli moran, ita koléy. Itug kali raméd ga.

LUKAS 15:5

Agu émé polig itan liha, naka kéta liha agu na’a lobo békék.

LUKAS 15:7

Aku taé agu méu: Nenggitu kolé néng naka éta Surga, landing tesern cengata ata ndékok, céwé naka oné mai landing ata siot ciokmpuluciok ata molor, ata toé sékékd te tesers.”

YOHANÉS 15:14

Méu haé reba Dakum, émé pandés le méu situt perénta Laku agu méu.

YOHANÉS 3:29

Ata ngaran wina molas hiat kopé harat; maik haé reba dihat kopé harat ata hesé ruis hia agu ata séngét hias nisang kéta naid dengé reweng dihat kopé harat hitu. Hituy nisang nai daku, agu te ho’on nisang naig hitu penongy.

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

TOMBO PÉTÉ GORI DE RASUL-RASUL 15:3

Isé podo le weki seranis haéng pé’ang mai béndar, itu kali lako lut Fénisia agu Samaria agu tombo taung teser data toé Yahudi. Tombo situ pandé nisang nai de asé-ka’é ca imbi nitu.

PILIPI 1:4

Cembes kéta nai daku oné néténg ngaji latang te sanggés taung méu.

PILIPI 2:17

Maik koném po bowoy dara daku du takung agu du ngaji lorong imbi de méu, aku nisang kéta nai cama laing agu méu.

PILIPI 4:1

Landing hitu asé-ka’én, ata momang laku, nahé mosé de méu tu’ung-tu’ung imbi oné Morin. Aku kembung kéta méuk. Méu dé pandé bombong rak daku, wiga cembes nai daku!

TÉSALONIKA 2:19

Du mai di Yésus, Mori dité, céing di ata bengkes laing ko ata naka laing lami ko songkok angos dami, émé toé méu?

1 PETRUS 2:10

Danong méu toé ro’éng de Mori Keraéngm, maik te ho’on poli ciri ro’éng Dihas. Danong méu toé momangm le Mori Keraéng, maik te ho’on poli tiba momang Dihas.

1 PETRUS 2:25

Ai danong méu ného jimbal wéléngm, maik te ho’on poli émba kolé nggere-oné ata lami agu ata tinu wakars.