LUKAS 15:2 - Bahasa Manggarai New Testament

² Itug kali nggerengga’utd ata Parisi agu ata pecing Taurat, mai taéd: “Hia tiba ata ndékoky, agu hang cama agu iséy.”

LUKAS 15:2 ပူးပေါင်းရင်းမြစ်များ

MATÉUS 11:19

Poli hitu woko cai Anak Manusia, Hia hangy agu inungy, mai taé disé: Lélo damang, Hia ata gomeng agu ata langu, asé-ka’é data tegi béa, agu ata ndékok. Maik le nai ngalis de Mori Keraéng, helek de cengata lélo oné mai pandén.”

MATÉUS 9:11

Du itas lata Parisi wintuk hitu, mai taé disé ngong ata nungku de Mori Yésus: “Co’o tara hang cama-cama agu ata tegi béa agu ata ndékokn guru de méu?”

LUKAS 15:3

Mai Hia tombo rapang ho’o agu isé:

LUKAS 19:7

Maik sanggéd ata situt itan apa hitu nggeré-ngga’uts, mai taéd: “Hia ka’éng oné mbaru data ndékoky.”

LUKAS 5:30

Sanggéd taung ata Parisi agu ata pecing Taurat nggere-nggauts agu ata nungku de Mori Yésus, mai taéd: “Co’o méu tara hang agu inung cama agu isét tegi béa agu ata ndékoks?”

LUKAS 7:34

Poli hitu, main Anak Manusia, hang agu inungy, maig taé de méu: Lélo dé, Hia ca ata ngomper agu ata languy, haé reba disét tegi béa agu ata ndékok.

LUKAS 7:39

Du ata Parisi hitut siro Mori Yésus, ita pandé de inéwai hitu, mai taén oné nain: “Damang émét nabi de Hia ho’o, pecing kéta muing Liha, céing péng, agu inéwai ata apa péng hitut omar Hia; pecing kéta Liha, te inéwai hitu, cengata ata ndékoky.”

TOMBO PÉTÉ GORI DE RASUL-RASUL 11:3

Mai taé disé: “Hau poli ngo oné mbaru data toé sunat agu hang cama-cama agu iséh.”

GALATIA 2:12

Ai du toéd cais ata wuat li Yakobus, hi Pétrus hang cama agu asé-ka’é ca imbi situt toé lut wintuk sunat. Maik du poli caid isé siot wuat li Yakobus, hi Pétrus hedongy kudut tadang oné-mai isé situ toé lut wintuk sunat ali rantang asé-ka’é situt lorong wintuk sunat.

2 TIMOTÉUS 1:15

Curup ho’o molorn agu patun te tiba di’a-di’ay, “Hi Kristus Yésus mai oné lino ho’o latang te pandé selamak ata ndékok.” Agu oné-mai sanggéd ata ndékok situ, aku kétay ata ndékok mésén.