LUKAS 14:26 - Bahasa Manggarai New Testament

²⁶ “Émé ca ata mai cé’é Akuy, maik hia toé rangkat eman, endén, winan, anakn, asé-ka’én ko wetan, ngot mosé de run hia toé ngancéng ciri ata nungku Dakun.

LUKAS 14:26 ပူးပေါင်းရင်းမြစ်များ

MATÉUS 10:37

Céi-céing ata céwé momang eman, ko endén itu po Aku, hia toé patun latang te Aku; agu céing kaut ata céwé momang anak ata ronan ko anak inéwain po Aku, hia toé patun latang te Aku.

LUKAS 14:20

Tanjéng kolé data iwon: Aku ho’ok di kawing’g, ali hitu aku toé kong ngog.

LUKAS 14:25

Manga cengkalin, do ata londang lut Mori Yésus du lakon. Cang holésn, mai taé Diha ngong isé:

YOHANÉS 12:25

Céing ata momang mosén, hia te mamur mosén, maik céing ata toé momang mosén oné lino ho’o, hia te mo’éng mosé tédéng lén.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

ROMA 9:13

ného manga tulis oné Surak Nggeluk: “Momang Laku hi Yakob jogot Laku hi Esau.”

PILIPI 3:8

Ngot sanggéd cao-ca rékéng laku toé manga betuad. Latang te aku, pecing hi Kristus Yésus Mori daku hitu céwé angos oné-mai sanggéd taung cao-ca. Landing ali Hia, aku poli ledo sanggéd taung situ ai rékéng laku sanggéd situ ného wéangs, kudut aku tiba hi Kristusk

WIDANG SI’ANG ONÉ HI YOHANÉS 12:11

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.