LUKAS 14:23 - Bahasa Manggarai New Testament

²³ Maig taé de keraéng hitu ngong mendin: Gélang ngo oné sanggéd salang mésé, agu salang dangka, bénta kéta taungs isét manga nitu, te ngo bonés, ai mbaru daku paka penongy.

LUKAS 14:23 ပူးပေါင်းရင်းမြစ်များ

MATÉUS 21:43

Landing hitu aku taé agu méu, te Perénta de Mori Keraéng kudut emiy oné mai méun, agu kudut téing oné ca uku ata cir wuan Perénta hitu. [

MATÉUS 5:41

Céing kaut ata duduk hau te lako ca kilo métér tadangn, lako cama agu hia tédéng sua kilo métér.

LUKAS 14:22

Poli hitu, baro kolé le mendi hitu: Mori, apa situt susung dité, polis pandéd, maik koném po nenggitu, manga kid osang ata lingad.

LUKAS 14:24

Ai Aku taé agu méu: Toé kéta cengatan oné mai isét poli sirod situ, te ita minakn ramé Daku.”

LUKAS 24:29

Maik po’é kéta Hia lisé, mai taéd: “Toko cama-cama cé’é ho’ot, ai kudut wiég tana, agu leso tiongn te kolep gi.” Itu kali Hia ngo onéN, “Kudut ka’éng cama agu iséy.”

TOMBO PÉTÉ GORI DE RASUL-RASUL 16:15

Du poli cebong le waé seranin hia, agu sanggéd ata oné mbarun, hia wancong amiy, mai taén: “Émé le nuk de méu aku ho’o poli imbi tu’ung-tu’ung kamping Mori Keraéng, mai ga, cénggo oné mbaru daku.” Hia dedek ami wiga lorong muing lami.

TOMBO PÉTÉ GORI DE RASUL-RASUL 18:6

Maik du sanggéd ata situt dungkang agu loér hia, péntang liha kebok oné mai ceca pakén agu mai taén ngong isé: “Nahé dara rus bowo oné sa’i rus, aku nggélokg, toé manga salag. Pu’ung ho’o ga, aku kudut ngo oné wa’u-wa’u banak.”

TOMBO PÉTÉ GORI DE RASUL-RASUL 28:28

Landing hitu paka pecing le méu, te selamak hitut mai oné mai Mori Keraéng ho’o, keréba oné wa’u bana agu isé te séngét.” [

TOMBO PÉTÉ GORI DE RASUL-RASUL 9:15

Maik reweng de Mori Yésus agu hia: “Ngoh ga, ai ata ho’o poli lirn latang te Aku, kudut ba keréba ngasang Daku oné ranga de wa’u-wa’u bana agu oné raja-raja agu sanggéd ata Israél.

ROMA 10:18

Maik aku réi méu: Asa, toé dengé lisé ko? Toét-toé poli dengén lisé, “Reweng data ba keréba wéron temu tana lino, curup disé cai haéng comongn lino.”

2 KORINTUS 5:11

Pecing lami, apa betuan hiang Mori Keraéng, ali hitu ami wuli-weki kudut pandé imbi ata. Mori Keraéng pecing tu’ung nai dami, agu bengkes daku, méu kolé pecing tu’ung ami oné nais.

2 KORINTUS 5:20

Jari, ami ho’o ata wuat li Kristus, néhot Mori Keraéng toing méu lut ami. Le ngasang di Kristus ami tegi oné méu: Téi koé wekis te hambor agu Mori Keraéng.

2 KORINTUS 6:1

Ité haé-rebat oné gori latang te Mori Keraéng, ami toing méu, kudut méu néka pandé oké-bod kaut widang de Mori Keraéng situt poli tiba de méu.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

2 TIMOTIUS 4:2

Keréba ga reweng de Mori Keraéng, jengkek koém, ot di’a ko toé di’a leson si’ang muing apa ata salan, ris agu toing di’a-di’a ali do lembak oné toing.