LUKAS 14:13 - Bahasa Manggarai New Testament

¹³ Landing hau émé pandé raméh, bénta isét lénggé, isét toé molor bod, isét péko agu isét buta.

LUKAS 14:13 ပူးပေါင်းရင်းမြစ်များ

MATÉUS 15:30

Remon wa, do ata cewur mai oné Hia, berotong ata péko, ata senggét, ata buta, ata dopel agu dod kolé ata beti bana, pehers lisé wa wa’i de Mori Yésus itu kali pandé ina kéta taungd Liha.

MATÉUS 22:10

Itu kali ngod mendin situ agu impung taung lisé sanggéd ata cumang disé oné salang ata da’at molé, ata di’a molé, wiga penong ndéi ramé kawing hitu le meka.

LUKAS 11:41

Maik téing koé ici oné main ného reco, agu moro matan, sanggén taung situ te ciri nggélok latang te méu.

LUKAS 14:12

Agu Mori Yésus taé kolé agu ata hitut bénta Hia: “Émé hau pandé raméh, le leso ko le wié, hau néka siro haé rebam, asé-ka’ém, haé ukum, ko sanggéd taung haé béom situt bora; ai isé te léko ali siro hau kolé, ali hitu, hau polig delék lékon.

LUKAS 14:14

Agu hau te cébo mosém, ai isé toé manga do’ong apa-apad te léko agu hau. Ai hau te delék walid du leso to’o koléd isét molor.”

LUKAS 14:21

Og kali kolég mendi hitu, agu baro taung situ oné Morin. Itug kali rabo da’atn hiat ngara mbaru, mai taén ngong mendin: komét koé ngo oné néténg salang agu otor béndar, agu dadé cé’é ho’os ata lénggé, ata toé molor tarad, isét buta agu isét péko.

TOMBO PÉTÉ GORI DE RASUL-RASUL 9:39

Itug kali mengkekn hi Pétrus agu ngo cama-cama agu isé. Du cain nitu, dadé hia lisé nggere-éta lo’ang. Sanggéd iné-wai luang mai hesé ruis hi Pétrus, cang agu rétangd, isé toi oné hia, sanggéd baju agu ceca situt pandé di Dorkas du hia lari mosé cama-cama agu isén.

2 TIMOTÉUS 3:2

Landing hitu, hia paka néka manga celan, paka cay kali winan, metek nain, nggalas, toé mésé nai, ngoéng kéta te tiba meka, molorn te toing ata.

2 TIMOTÉUS 5:10

Tandan, baé lata te hia iné-wai ata gauk di’ay, ného: aréng anak, dumpek oné mbarun, waca wa’i de asé-ka’é ca imbi, campé ata siot mosé oné susa – wokokn ga, iné-wai luang siot poli papé sanggéd sokor latang te pandé di’a.

TITUS 1:8

maik ngoéng tiba meka toko rontong, ngoéng te pandé ata di’an kanang, nggalas, agil, nggélok nai, ngancéng kuasa weki ru.

FILÉMON 1:7

Filémon ata momang daku, mohas de hau latang te sanggéd weki serani pandé nisang agu mberes kéta nai daku. Sanggéd weki serani poli téing lémbud le Mori Keraéng lut hau.

IBRANI 13:2

Néka wengel méu te tiba meka oné mbarus, koném toé di pecing le méu meka hitu. Ai le pandé nenggitu, manga dé’it ata, ata toé noing liha, kali malékat meka hitut tiba diha.