LUKAS 13:31 - Bahasa Manggarai New Testament

³¹ Lété hitu mais pisa taus ata Parisi, mai taéd ngong Mori Yésus: “Ngoh ga, néka ka’éng cé’é ho’oh, ai hi Hérodés kudut mbelé Itéy.”

LUKAS 13:31 ပူးပေါင်းရင်းမြစ်များ

MATÉUS 14:1

Lété hitu dengé tombo latang te Mori Yésus li Hérodés raja tana hitu.

MATÉUS 14:3

Bebolon hi Hérodés poli jera deko hi Yohanés, langki agu buiy liha, landing le campit hi Hérodias wina di Pelipus asé-ka’én.

MATÉUS 14:6

Maik du leso ramé loas di Hérodés, saéy anak inéwai di Hérodias oné beréha isé agu pandé lérém hi Hérodés,

LUKAS 23:7

Agu du pecingn liha ga, te Mori Yésus ata oné mai tana adak di Hérodésn, hi Pilatus jera todang Hia nggere-oné ranga di Hérodés, ai du hitu manga kolé oné Yérusalémy.

LUKAS 3:1

Oné ntaung campulu liman perénta de Kaisér Tiberius, lété hi Ponsius Pilatus ciri wakéln tana Yudéa, agu hi Hérodés rajan tana Galiléa, hi Pelipus, asé-ka’én rajan tana Ituréa agu Trakonitis, agu hi Lisanias rajan tana Abiléné,

LUKAS 9:7

Hi Hérodés, raja tana Galiléa, dengé taung situt poli jarid, soang laing liha ai manga taé data, te hi Yohanés polig mosé kolén oné mai ata mata.