LUKAS 13:25 - Bahasa Manggarai New Testament

²⁵ Émé hiat ngara mbaru poli to’on agu tadu paran, méu te hesé be pé’angm agu nontong mtaung para, mai taés: Keraéng, cengka koé para te ami! Agu Hia te walé agu mai taén ngong méu: Aku toé baé mai nia mais méu!

LUKAS 13:25 ပူးပေါင်းရင်းမြစ်များ

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

LUKAS 13:27

Maik Hia te curup agu méu: Aku toé baé mai nia mais méu, pé’ang oné mai ranga Daku, oé sanggés taung méut pandé da’at!

LUKAS 3:8

Itu tara cir koé wua ata pakep tau agu teser. Agu néka nuk oné nai koés: Hi Abraham ema dami! Ai taé laku agu méu: Mori Keraéng ngancéng pandé sanggéd anak latang te hi Abraham oné mai sanggéd watu so’o!

LUKAS 6:46

“Co’o méu tara kepok agu Akus: Mori, Mori, kali méu toé pandés apa situt toing Daku?

2 KORINTUS 6:2

Ai nggo’o curup de Mori Keraéng, “Du Aku patun latang te méu, Aku séngét méuk, agu du leso Aku pandé selamak, Aku campé méuk.” Ata tu’ungn, cekeng ho’o ga cekeng ata patun hitu; ho’og leson, leso selamak hitu.

IBRANI 12:17

Ai musi-main pecing le méu, hi Esau toé laong tiba berkak, ai hia toé manga sokor te holes kolé oné-mai salan, koném po ndurus waé lu’un nanang te tiba berkak hitu.