LUKAS 12:5 - Bahasa Manggarai New Testament

⁵ Aku te toi oné méu, céing hitut paka rantangy le méu. Rantang koé Hia, hitut du poli mbelé, manga kuasan te wéwéng ata nggere-wa neraka. Moro matan, Aku taé agu méu: Rantang koé Hiam!

LUKAS 12:5 ပူးပေါင်းရင်းမြစ်များ

MATÉUS 10:28

Agu néka rantang méu agu isét ngancéng ala weki, maik toé manga kuasad te ala wakars, rantang kéta kali Hiat manga kuasan te calang wakar agu weki oné api neraka.

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

MATÉUS 25:46

Agu isé so’o te ngo oné osang wahéng tédéng lén, landing sanggéd ata molor ngo nggeroné mosé tédéng lén.”

MATÉUS 5:22

Maik Aku taé agu méu: Céing kaut ata rabo agu asé-ka’én, paka wahéng: Céing ata taé bapa béngot! ngong asé-ka’én paka ba oné ranga de Adak Agamay, agu céing ata taé: kafir! Paka oké oné api nerakay ata ganggor kin dilan.

MARKUS 13:23

Jerék di’a-di’a méu! Aku poli langgad taung apa so’o olo maid agu méu.”

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.

IBRANI 10:31

Da’at kéta tu’ung émé wahéng le limé de Mori Keraéng hitut téing mosé.

2 PÉTRUS 2:4

Danong Mori Keraéng toé momang sanggéd malékat situt pandé ndékok, maik péncar isé nggere-wa neraka, osang nendep baté pongo isé le ranté kesep cai leson beté-bicar.

WIDANG SI’ANG ONÉ HI YOHANÉS 14:7

Hia curup agu reweng mésén, “Hiang ga agu bong Mori Keraéng, ai ho’og leson te toto beté-bicarN. Mai ga, te io agu suju Hia ata poli dédék tanan wa agu béangn éta, tacik agu sanggéd ulu waé.”

WIDANG SI’ANG ONÉ HI YOHANÉS 15:4

Céing ata toé hiang Ite yo Mori, agu toé bong ngasang Dité? Ité kali ata nggeluk! Sanggéd wa’u te mai suju agu io Ités, ai si’ang keta agiln sanggéd beté-bicar Dité.”

WIDANG SI’ANG ONÉ HI YOHANÉS 20:14

Poli hitu, Mata agu Adak de mata hitu peké nggere-oné api méséy. Hituy dé mata te suan: Api mésé, ngong api neraka.