LUKAS 12:37 - Bahasa Manggarai New Testament

³⁷ Koméd tu’ung mendi situt repéng le morid, lari wela kid du cai diha. Aku taé agu méu: Moro matan kéta, hia te pongo awakn, agu jera isé te lonto hangs, agu hia mai te gatang isé.

LUKAS 12:37 ပူးပေါင်းရင်းမြစ်များ

MATÉUS 24:42

Landing hitu néka témo, ai toé pecing le méu du leso apa Moris hitu te maiy.

LUKAS 12:36

Agu méu porong ného ata siot séréng kid géréng morid hitut kolé ramé kawing, kudut émé cai hia agu nontong para, gélang céngka para te hia.

LUKAS 12:43

Mosé di’a mendi hitut repéng le morin, pandés gori situ, du cain morin.

LUKAS 17:8

Toé weli dion kéta, ngot hia taé agu mendi hitu: wédis hang daku ga. Tenggé towém, agu keturu te aku di, haéng poli hang agu inung’g. Agu poli hitu, po hang hau agu inungh.

LUKAS 21:36

Ambi koém, cang agu ngaji mtaung kudut méu delék mberes kudut cépé oné mai sanggéd situt kudut jaris, agu kudut méu ngancéng ta’ong hesé bolo mai ranga de Anak Manusia.”

LUKAS 22:27

Ai céing ata céwé mésén: Hiat lonto te hang ko hiat keturu laing? Toé weli hiat lonto te hang? Maik Aku manga oné bahi-réha méuk, ného ata keturu laing.

YOHANÉS 12:26

Céing ata tiba Akuy, hia paka lut Akuy, agu nia Aku mangag nitu kolé sekontu Daku mangan. Céing ata tiba Aku, hia te hiang le Emag.

1 KORINTUS 2:9

Ného ata poli tulis: “Apa kaut ata toé dé’it ita le mata, toé dé’it dengé le tilu, toé dé’it tua oné nai de manusia: Sanggéd taung situ poli mengkekd le Mori Keraéng latang te isét momang Hia.”

PILIPI 1:21

Nenggo’oy cau daku: moség latang te hi Kristus, agu matag ngong ontong.

PILIPI 1:23

Nai daku do’ong nggere-olo, dungki nggere-musi: Aku nanang ngo te ka’éng cama agu hi Kristus, ai hitu muing ata céwé di’an.

2 PÉTRUS 1:11

Ali hitu, méu manga hak mésés te tiba tabing latang te ngo oné Adak tédéng lén, ngong Adak di Yésus Kristus, Mori agu Ata Sambé dité.

2 PÉTRUS 3:14

Landing hitu asé-ka’é ata momang laku, cang agu géréng leso hitu, paka wuli wekis te hambor agu Hia, wiga méu toé manga celas agu toé manga ndékoks du cain Hia tai.

WIDANG SI’ANG ONÉ HI YOHANÉS 14:13

Poli hitu dengé laku reweng éta-mai Surga, “Tulis ga: Pu’ung ho’o muing, mosé di’a sanggéd atat mata neki ca agu Mori Keraéng.” “Tu’ung, toé cela,” walé de Nai Nggeluk, “kudut isé te gel oné-mai gori wuli-mpoatd, ai cir sanggéd keturu disé, loréng iséy.”

WIDANG SI’ANG ONÉ HI YOHANÉS 16:15

“Lélo dé, Aku mai ného ata takok. Mosé di’a hia hitut tokong kin agu mengkek kin ceca sélékn, wiga toé ritak te lako déméng lacon.”

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.

WIDANG SI’ANG ONÉ HI YOHANÉS 7:17

Ai Anak Jimbal hitut oné bahi-réha seriga hitu te lami iséy. Hia te émba isé nggere-oné ulu waé ata téing mosé. Mori Keraéng te koso sanggéd lu’u mata disé.”