LUKAS 12:17 - Bahasa Manggarai New Testament

¹⁷ Hia réi oné nai koén: Co’o kétag laku pandéd, ai aku toé manga osang te ngancéng na’ad laku cir tanag.

LUKAS 12:17 ပူးပေါင်းရင်းမြစ်များ

MATÉUS 16:7

Itug kali téntangn lisé agu mai taé cama taud: “Curup hitu Diha, méséng toé manga ba rotid ité.”

MATÉUS 5:42

Téing agu isét mai tegi agu hau, agu néka kémpa ata hitu te célong agu hau.

LUKAS 10:25

Manga cangkalin, heséy cengata ata pecing Taurat te kapa Mori Yésus, mai taén: “Tuang Guru, apa kétay pandé daku kudut haéng mosé tédéng lén?”

LUKAS 11:41

Maik téing koé ici oné main ného reco, agu moro matan, sanggén taung situ te ciri nggélok latang te méu.

LUKAS 12:16

Poli hitu, Hia tombo agu isé ca rapang, mai taén: “Manga cengata ata bora, tanan héla-haéd danin.

LUKAS 12:18

Maig taén: Nenggo’o laku pandéd: aku te koas taungs ca’og, agu aku te hesé ata céwé mésén, agu aku te na’a bonén sanggéd gandum agu ceca dog.

LUKAS 12:22

Mori Yésus taé agu sanggéd ata nungkun: “Landing hitu, Aku taé agu méu: Néka simpung laing mosés, te apa kétag kudut hangs, agu néka kolé simpung latang te wekis, te apa kétag kudut pakés.

LUKAS 12:29

Jari, méu néka curup laing apa kéta hangs, ko apa kéta té inungs méu, agu néka kéta soang nais.

LUKAS 12:33

Pika taungs le méu sanggéd cao-cas agu téing recos! Pandé ga le méu kandi hitut toé ciri mangay; ngong ca ceca éta Surga hitut toé ngancéng cipotn, toé ngancéng ruis lata takon, agu toé ngancéng hang le pakotn.

LUKAS 16:3

Mai taé oné nain hiat wintuk bora: Co’o kétag péng laku pandén. Morig te keni aku oné mai gori cau boran. Bom ngancéng wedak tanak aku; sanggar-sanggar bog limég te tegi, ritak kolék aku.

LUKAS 16:9

Aku taé agu méu: pandé woé-nelu di’a-di’a agu bora de lino hitut toé hepes, kudut émé bora de lino hitu, toé ngancéng campé kolé méun, méu ngancéng tibas oné ndéi tédéng lén.”

LUKAS 18:22

Dengé hitu Mori Yésus, taé ngong hia: “Téké cay raja hitu ata paka pandéy le hau; pika taungs apa kaut ata manga oné haun, agu pati péar oné ata lénggés, le hitu hau te delék bora éta Surgah, poli hitu, mai nggere-cé’é agu lorong Akuh.”

LUKAS 19:17

Mai taén ngong ata hitu: Di’a tu’ung pandém hitu, olé mendi ata di’a; hau tipek oné taé koé, ali hitu, tiba ga kuasa cau cepulu béndar.

LUKAS 3:11

Mai walén: “Céing ata manga suad bajun, porong pati liha agu hiat toé mangan; agu céing ata manga ni’ang, hia paka pati kolé nenggituy.”

TOMBO PÉTÉ GORI DE RASUL-RASUL 16:30

Hia dadé isé nggere-pé’ang, cang agu curupn: “Keraéng-keraéng, apa kéta ata paka pandé laku kudut haéng selamak?”

TOMBO PÉTÉ GORI DE RASUL-RASUL 2:37

Du dengén lisé tombo hitu nawes kéta naid, itug kali réi oné hi Pétrus agu rasul-rasul situt cebana: “Apa weli ata paka pandé dami asé-ka’én?”

ROMA 12:13

Campé koé asé-ka’é serani ata géong, agu tiba asé-ka’é ata toko-rontong!

2 TIMOTÉUS 6:17

Langga kid latang te sanggéd ata bora oné lino ho’o te pandé di’a, kudut isé néka mésé-naid agu néka bengkes oné bora situt toé manga betuad. Maik bengkes kali oné Mori Keraéng hitut téing boraN oné ité, kudut mantes lité.

1 YOHANÉS 3:16

Hi Kristus poli condo wekin latang te ité. Itu dé tara pecing lité momang hitu. Jari ité kolé paka condo wekid latangt asé-ka’é ca imbi.