LUKAS 12:14 - Bahasa Manggarai New Testament

¹⁴ Maik taé de Mori Yésus ngong hia: “Késa, céing ata poli téti Aku ciri adak laing ko ata tongka de méu?”

LUKAS 12:14 ပူးပေါင်းရင်းမြစ်များ

LUKAS 12:13

Cengata oné mai ata do situ, taé ngong Mori Yésus: “Tuang Guru, taé koé oné asé-ka’é daku, kudut hia patis mbaté agu aku.”

LUKAS 22:58

Remon kolé wa, cengata ata bana, ita kolé hiay, mai taén: “Hau kolép ca ata disé.” Maik mai taé di Pétrus: “Toé yé, toé aku.”

LUKAS 5:20

Du poli itan imbi disé le Mori Yésus, mai taé Diha: “Oé nana, sanggéd ndékokm polisg ampongd.”

YOHANÉS 6:15

Ai pecing le Mori Yésus, isé mai nitus kudut te dadé Hia te teti ciri raja laingy. Itu kali Hia lako lentang hanang koé'N nggere-oné poco.

YOHANÉS 8:11

Mai walé de inéwai hitu: “Toé manga o Mori.” Mai kolé taé de Mori Yésus: “Aku kolé néng toé wahéng hauk. Ngoh ga, agu pu’ung ho’o main muing ga néka pandé ndékok koléh.”

ROMA 2:1

Landing hitu, oé manusia, céing kéta hau, tara beté-bicar ata bana. Hau toé manga tanjéng te kambé weki rum. Ai ali beté-bicar ata, hau te beté-bicar weki rum. Ai hau hitut beté-bicar ata bana, pandé apa ata camas.

ROMA 2:3

Agu hau, oé manusia, haut beté-bicar isét pandé nenggitu, kali po weki rum hau kolé pandé nenggitu. Co’o nuk de hau, te cépé oné mai wahéng de Mori Keraéng?

ROMA 9:20

Céing kéta néng méu, oé manusia, wiga méu ngancéng léwang Mori Keraéng? Ngancéng weli hiat dédék latay taé agu hiat dédékn, “Co’o tara nenggitu dédékg aku le hau?”