LUKAS 11:4 - Bahasa Manggarai New Testament

⁴ agu ampong koés ndékok dami, ného ami ampong ata pandé sala agu ami; agu néka dadé ami nggere-oné damang.”

LUKAS 11:4 ပူးပေါင်းရင်းမြစ်များ

MATÉUS 18:35

Nenggitu kolé pandé de Ema Daku éta Surga latang te méu, émé néténg méu toé ampong asé-ka’és mai wa mai naim.”

MATÉUS 26:41

Ambi-ambi agu ngaji koém, rantang pa’u oné damangm: ai bo kali nais sundurn, landing weki les-lémbek.”

LUKAS 11:5

Itug kali taé Diha ngong isé: “Émé cengata oné mai méu le wié mésé, ngo oné mbaru de cengata haé reban, agu mai taén ngong hia: késa, téing koé aku telun rotim,

LUKAS 13:4

Ko le nuk de méu, isét campulu alo situt mata tené le ngando ruis Siloam, céwé mésé salad, itu po sala de sanggéd ata bana, situt ka’éng oné Yérusalém?

LUKAS 22:46

Mai taé Diha ngong isé: “Co’o tara tokos méu? To’om ga, agu ngaji, boto pa’u oné damangm.”

LUKAS 8:13

Tana nampar, ngong ata siot poli dengé curup situ, tiba kéta di’as lisé, maik isé toé wakés, wiga dokong kaut imbid, wiga du cain damang, okésg lisé.

YOHANÉS 17:15

Toé tegi Laku, kudut Ité toé emi isé oné mai linod, maik kudut Ité képé isé oné mai situt da’atd.

1 KORINTUS 10:13

Sanggéd damang situt poli manté de méu poli mantéd kolé lata do. Ai Mori Keraéng junggu kin, agu ali hitu Hia toé ondang méu te damang be pé’ang oné-mai mberes de méu. Du hena le damangs méu, Hia kudut téi anor méu, wiga méu ngancéng tanggongn damang hitu.

KOLOSÉ 3:13

Ngéngga koé nai agu ampong koé cama taus, émé hiat cengata ngetek ata banay; cama ného Mori poli ampong méun, pandé nenggitu kolé méu.

2 TÉSALONIKA 3:3

Maik Mori hitu, junggu. Hia te pandé mberes nai de méu agu sémbéng méu oné-mai manusia da’at.

2 TIMOTIUS 4:18

Morin te lego aku oné-mai sanggéd pandé da’at. Hia te pandé selamak aku, wiga aku ngo oné Adak Diha éta Surga. Latang te Hia mengit tédéng lén! Amén.

JAMES 2:13

Ai Mori Keraéng toé toto momang agu mohas oné ata hiot toé pecing momang, maik momang agu mohas céwé mberes oné-mai terungku.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.