LUKAS 11:34 - Bahasa Manggarai New Testament

³⁴ Matam hitu culu de wekim. Émé di’ad matam, gérak taung wekim; maik émé da’atd matam, nendep dé wekim.

LUKAS 11:34 ပူးပေါင်းရင်းမြစ်များ

MARKUS 4:12

kudut: Koném po ita lisé, maik toé idep koném po séngéts lisé, maik toé tingo, kudut isé néka tesérs agu ampong ndékokd.”

MARKUS 7:22

ngoéng ata, kanang-kanang akun, gauk da’at, sehak, belek da’at, mét tau, mbécik, mésé nai, sembutar.

MARKUS 8:18

Méu manga matas, toé ita le méu, agu méu manga tilus, toé kin dengé le méu ko? Toé nuk kolé le méu,

LUKAS 11:35

Landing hitu lélo di’a, kudut gérak hitu manga oné hau, néka ciri nendepy.

TOMBO PÉTÉ GORI DE RASUL-RASUL 13:11

Ho’o ga, lélo! Kuasa de Mori Keraéng wahéng hau te ciri butah, wiga pisa leso béhéngn hau toé ngancéng ita mata lesoh.” Du hitu muing noingn ata hitu lamong le rewung agu nendep matan, wiga kawé ata kudut todang hia.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

2 KORINTUS 1:12

Ho’oy ata pandé bombong rak dami, ngong imbi tu’ung lami onémai ici-naigm, te mosé dami oné lino ho’o, céwén kolé oné woé-joé dami agu méu, le junggu agu nggélok oné mai Mori Keraéng, toé ali mbeko de lino ho’o.

2 KORINTUS 11:3

Maik aku simpung kolék, émé nuk de méu wéléng kolé te toé junggu oné hi Kristus, cama ného hi Hawa danong hena le nggopét de ular hitut jondér.

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

ÉFÉSUS 1:17

Tegi kolé laku oné Mori dité Yésus Kristus, kudut Hia widang koé Nai Nggeluk te si’ang Mori Keraéng oné méu wiga méu pecing tu’ung Hiam.

ÉFÉSUS 6:5

Oé méut mendi laing! Lorong koé perénta de sengajis ata manga oné lino ho’o. Pandé le méu hitu landing le hiang ko sundur mai wa-mai nain, cama ného pandé latang te hi Kristus.

KOLOSÉ 3:22

Oé méut ngasang mendi, lorong koé moris oné lino ho’o, oné sanggén cao-ca, néka hanang oné ranga disé kanang kudut nisang nai disé, maik ali junggu, landing rantang Morin.