LUKAS 11:18 - Bahasa Manggarai New Testament

¹⁸ Émé jing situ kolé bikés agu lawang weki rud, co’og néng ngancéng makengn perénta diha? Ai le taé de méu, Aku mbér jing le kuasa de Bélzébul.

LUKAS 11:18 ပူးပေါင်းရင်းမြစ်များ

MATÉUS 10:25

Remo émé ca murid cirik cama agu gurun, agu ca mendi cirik cama agu Morin. Émé ata ngara mbaru caron lisé Bélzébul (tu’a de jing da’at), apan kolé isét ka’éng ca mbaru.

MATÉUS 12:26

Nenggitu kolé émé jing da’at mbér jing da’at, hia kolé te mbihi-mbehar agu dungkang kolé weki run; co’od ngancéng ta’ang pemeréntan?

MATÉUS 4:10

Mai taé de Mori Yésus ngong hia: “Ngoh ga, hau jing da’at! Ai manga poli tulisn: Hau paka io agu suju Mori Keraéngm agu hanang Hia kali ata patun te hiang!”

MATÉUS 4:24

Wéron ngasang Diha labok tana Siria, dadé néng lisé nggeroné Hia sanggén ata so’ot riwi-rowos, ata so’ot beti da’at, ata iling le jing da’at, ata beti le ru’u mona, agu ata péko, mai Mori Yésus pandé ina taungs.

LUKAS 11:15

Maik manga oné mai isé ata curup: “Hia mbér jing, le kuasa de Bélzébuly, tu’ad jing da’at.”