LUKAS 10:22 - Bahasa Manggarai New Testament

²² Sanggéd ménan poli téing oné Akud le Emag; agu toé cengatan ata pecingn céingy Anak, bom hi Ema, agu céingy hi Ema, bom hi Anak, agu oné ata hitut oné hia henan le Anak hitu, te toi molor hitu.”

LUKAS 10:22 ပူးပေါင်းရင်းမြစ်များ

MATÉUS 11:25

Du hitu curup le Mori Yésus: “Aku wali di’a agu Ité Ema, Mori de awang agu tana, ai sanggéd situ, cehas Lité latang te isét nggalas agu isét nggepuk, maik tois Lité oné isét panga-wa.

MATÉUS 11:27

Sanggéd taung poli widang agu Akud le Emag, agu toé cengatan ata pecing ngasang Anak, émé toé le Ema, agu toé cengatan ata pecing Ema émé toé le Anak agu oné ata hituy henan toin le Anak hitu.

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

YOHANÉS 10:15

cama ného hi Ema pecing Akuy, nenggitu kolék Aku pecing hi Ema, agu Aku oké moség latang te sanggéd jimbalg.

YOHANÉS 13:3

Pecing le Mori Yésus te Eman poli téing sanggé-ménan agu Hia te mai oné mai Mori Keraéng agu kolé oné Mori Keraéng.

YOHANÉS 17:10

agu sanggéd paéng Daku, paéng Dité, agu sanggéd paéng Dité, paéng Daku, agu Aku poli bong oné isé.

YOHANÉS 17:2

Cama ného Ité poli téing oné Hia kuasa latang te sanggéd situt mosé, nenggitu kolé Hia, te téing mosé tédéng lén oné sanggéd situt poli téing Lité agu Hia.

YOHANÉS 17:26

agu Aku poli toin ngasang Dité oné isé, agu Aku te toin, kudut mohas hitut téing Lité oné Aku, manga oné iséy, agu Aku oné isék.”

YOHANÉS 17:5

Landing hitu yo Ema, bong koé Aku oné ranga Rud Ité, ali bong hitut nipu Laku oné ranga Dité be bolon mangan lino ho’o.

YOHANÉS 3:35

Ema momang Anakn agu poli widang sanggéd cao-ca oné Hia.

1 KORINTUS 15:24

Poli hitu, du leso cemoln tai, ngong du poli pandé ampus taungs le Mori Yésus sanggéd pemerénta, ata cau kuasa, agu sanggéd mberes de lino, téing Liha adak Surga oné Mori Keraéng Ema.

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

ÉFÉSUS 1:21

Kuasa di Kristus hitu céwé langkas oné-mai sanggéd pemerénta ata cau kuasa, ata cau adak agu ata tu’a laing, ko céing kaut ata ciri tu’a laing, toé hanang mosé oné uwa te ho’on, maik agu mosé nggere-olon kolé.

IBRANI 2:8

Poli na’a Lité sanggéd ménan be wa mai wa’i Diha.” Ai sanggéd ménan poli taungs pandé kodad Liha, toé kéta manga can ata retang. Maik te ho’on ga, toé di ita lité koda taungs Liha sanggéd menan situ.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

2 YOHANÉS 1:9

Ata siot toé cau tu’ung toing di Kristus agu wéléng oné-mai toing situ, hia hitu toé patun te ciri anak de Mori Keraéng. Maik céing kaut ata cau tu’ung sanggéd toing situ, hia patun te ciri anak de Mori Keraéng Ema agu Anak.