LUKAS 10:2 - Bahasa Manggarai New Testament

² Mai taé Diha ngong isé: “Bo dani dod, maik ata akod cekoés kali. Itu tara tegi agu Keraéng hitut ngara ako, kudut Hia jera isét duat te ako hitu.

LUKAS 10:2 ပူးပေါင်းရင်းမြစ်များ

MATÉUS 20:1

“Latang te Adak Surga cama ného cengata ata ngara uma anggor ata gula ucap to’oy te ngo kawé ata pala oné uma anggorn.

MARKUS 13:34

Agu rapang ného cengata ata ngo pé’ang tana pé’ang, ata legong mbarun, agu téing kuasa agu sanggéd mendin, néténg ata manga taung agu gorin, agu perénta latang te hiat lami para, kudut wela koé matan.

MARKUS 16:15

Itu kali mai taé Diha agu isé: “Ngom ga, oné temu tana lino, keréba ga Injil oné sanggén ata.

MARKUS 16:20

Og kali ngod isé ba keréba Injil oné temu tana lino, agu weki run Mori, campé agu tukeng reweng hitu le tanda lenget situt loréng isé.)

LUKAS 9:1

Itu kali Mori Yésus bénta campulu suad rasul, poli hitu téing mberes agu kuasa oné isé, kudut wur jing, agu latang te ina taung sanggéd beti.

TOMBO PÉTÉ GORI DE RASUL-RASUL 11:19

Lari nggitun asé-ka’é ca imbi siot wécak ali pandé da’at hiot poli mbelé hi Stéfanus, losi haéng oné Fénisia, Siprus agu Antiokhia, maik isé wéro Injil oné ata Yahudi kanang.

TOMBO PÉTÉ GORI DE RASUL-RASUL 13:2

Manga ca leso du lari ngaji kamping Mori Keraéng agu puasa, mai taé de Nai Nggeluk: “Pilé koé hi Barnabas agu hi Saulus latang te Aku kudut te gori ata poli lir Laku latang te isé.”

TOMBO PÉTÉ GORI DE RASUL-RASUL 13:4

Landing le jera de Nai Nggeluk, hi Barnabas agu hi Saulus ngo oné Seleukia, agu nitu maid lajar nggere-oné nuca Siprus.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

TOMBO PÉTÉ GORI DE RASUL-RASUL 22:21

Maik mai taé de Mori Yésus agu aku: Ngoh ga, ai Aku jera hau ngo tadang oné wa’u-wa’u bana.”

TOMBO PÉTÉ GORI DE RASUL-RASUL 8:4

Isét mbihi-mbehar situ labok oné tana hitus cang agu wéro Keréba Di’ad.

1 KORINTUS 12:28

Mori Keraéng poli wérét pisa taus ata oné-mai weki serani: laring cain ciri rasul, te suan ciri nabi, te telun ciri guru. Rudan ga, isét manga tiba widang latang te pandé tanda lenget, pandé ina ata beti, latang te keturu laing, latang te titong ata, agu latang te mu’u luju agu lema emas, ko latang te pecing betuan mu’u luju agu lema emas hitu.

1 KORINTUS 15:10

Maik ali widang de Mori Keraéng, ho’o manga kig aku, agu widang ata téi Diha latang te aku toé oké bod. Ngot aku poli gori céwé seber kolé oné-mai sanggéd taung isé, toé landing le weki rug aku, maik ali widang de Mori Keraéng hitut loréng akuy.

2 KORINTUS 6:1

Ité haé-rebat oné gori latang te Mori Keraéng, ami toing méu, kudut méu néka pandé oké-bod kaut widang de Mori Keraéng situt poli tiba de méu.

PILIPI 2:21

Ai sanggéd taung ata iwod nuk kaut sékék de weki rud, toé nuk sékék di Kristus Yésus.

PILIPI 2:25

Lari nggitun, rékéng laku te jera kolé nggere-oné méu hi Épafroditus, ata poli wuat le méu danong latang te keturu aku. Hia poli ciri haé reba ca imbi daku agu haé reba ca gori daku.

PILIPI 2:30

Ai hia kudut matay landing gori latang te hi Kristus; hia ngoéng te oké mosén latang te pandé penong situt toé rapak oné gori keturu de méu latang te aku.

KOLOSÉ 1:29

Hituy rébok agu tili-mpoét daku ali sanggén mberes, lorong agu mberesn kuasa di Kristus hitut gori oné aku.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

TÉSALONIKA 2:9

Asé-ka’én, nuk kin le méu rébok agu kamer dami. Gori dami wié-leson, te wéro Keréba Di’a de Mori Keraéng oné méu, boto manga mendo latang te méu ko céing-céing kaut.

TÉSALONIKA 5:12

Asé-ka’én, tegi lami, kudut méu hiang isét mping kéta gorid oné bahi-réha méu, ata karong agu titong méu nggere-oné Morin.

2 TÉSALONIKA 3:1

Asé-ka’én, nggere-olon ga, ngaji koém latang te ami, kudut curup de Morin tambang nondon agu angosn, cama ného situt poli jarid oné bahi-réha méu.

2 TIMOTÉUS 4:10

Itup tara ité ho’o mping agu tili-mpoét keta te racang rak-rai ati, ai ité bengkes oné Mori Keraéng hitut mosé. Hia dé ata pandé selamak sanggén manusia, céwén kéta isét imbi Hia.

2 TIMOTIUS 4:5

Maik hau, kuasa koé wekim oné sanggén cao-ca, ta’ong ga oné susa, ngoh ga te wéro Keréba Di’a agu paka pandé tu’u-tu’ung gori keturum hitu!

FILÉMON 1:1

Oné-mai hi Paulus ata bui landing hi Kristus Yésus agu oné-mai hi Timotéus, asé-ka’é ca imbi dité. Latang te hi Filémon, haé-reba ca gori dami ata momang kéta lami,

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

WIDANG SI’ANG ONÉ HI YOHANÉS 2:1

“Tulis koé latang te malékat de weki serani oné Éfésus: Ho’oy curup Diha, ata cau pitu ntala situ oné limé wanangN agu lako oné beréha pitu wa’i lampu emas situ.