LUKAS 1:68 - Bahasa Manggarai New Testament

⁶⁸ “Naring kétay Morin, Mori Keraéng de Israél, ai Hia la’at ro’éngn agu ba géal latangt isé,

LUKAS 1:68 ပူးပေါင်းရင်းမြစ်များ

LUKAS 1:71

te caca ité oné mai sanggéd bali dité, agu oné mai limé de sanggéd taung isét kodo ité,

LUKAS 19:44

agu isé te pandé mempo hau agu sangged ro’éngm, agu oné mai siding watum, toé ondang lisé can watu hitut tondol lobo watu haén, ai hau toé baé wié leson, du nia Mori Keraéng mai selamak haun.”

LUKAS 2:38

Agu du hitu kolé hia mai nituy agu wali di’a oné Morin, agu tombo latang te Anak koé hitu, oné sanggéd ata situt géréng kid loak langki latang té Yérusalém.

LUKAS 24:21

Alang bengkes dami lété ho’o, Hia hitu kudut mai célan uku Israél. Maik ho’og telu leson ata laun, du pu’ung mangad taung sangged situ.

LUKAS 7:16

Sanggéd ata situ rantang da’ats, agu isé bong Mori Keraéngs, cang agu taéd: “Cengata nabi mésé poli mangan oné bahi-réha ité. Mori Keraéng mai ba te selamak ro’éngn.”

ÉFÉSUS 1:3

Naring ga Mori Keraéng, Emad Mori dité Yésus Kristus. Hia poli berkak itén le sanggéd widang nggeluk oné Surga, ai ité nai ca anggit agu hi Yésus Kristus.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

1 PETRUS 1:3

Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,