LUKAS 1:20 - Bahasa Manggarai New Testament

²⁰ Moro matan, hau te dopelh agu toé ngancéng curupn dengkir leso du nia taung jarid apa so’o ai toé imbi curup dakuh, hitut manga tu’ung tai itan du cai leson.

LUKAS 1:20 ပူးပေါင်းရင်းမြစ်များ

MARKUS 16:14

Turung cemoln Hia toto wekin oné isét campulu-ca situ, du isé lari lompongd, agu Hia renti isé ali toé imbi agu teger naid, ali toé imbi lisé, sanggéd isét poli ita Hia du poli to’o kolén.

MARKUS 9:19

Mai taé de Mori Yésus ngong isé: “Oe méut uwa ho’ot toé imbi, nang du nian di Aku ka’éng cama laing agu méu? Ného nia kéta kolé di kodeln Laku pandé da’at de méu? Dadé cé’é anak koé hitu!”

LUKAS 1:19

Walé de malékat hitu agu hia: “Aku ho’o hi Gabriél, hitut tiba taé de Mori Keraéng, agu ata wuat te curup agu hau, agu kudut caing keréba di’a ho’o oné hau.

LUKAS 1:21

Rémé nggitun, dod ata sereng kid géréng hi Zakariasd. Lenget laing lisé, te nggitu bail naisn oné Mbaru Nggeluk. Itu kali hia tombo hawa-haol agu isén, ai hia, hitu kin dopéln.

LUKAS 1:22

Du ngo nggere-pé'ang, hia toé ngancéng curupy agu isé, wiga baég lisé te hia poli ita ca tanda oné Mbaru Nggeluk. Itu kali téing tanda molé liha nggere-oné isé, ai dopel kin hia.

LUKAS 1:45

Mosé di’a ité, ai ité imbi apa ata curup de Mori Keraéng, te cai oloy.”

LUKAS 1:64

Agu du hitu kolé wuka mu’un, ngancéng tomboy te naring Mori Keraéng.

ROMA 3:3

Jari, co’o gi, émé oné mai isé manga ata toé junggu, ngancéng toé junggu disé hitu pandé toé junggu kolé Mori Keraéng?

2 TIMOTIUS 2:13

émé toé junggud ité, Hia junggu kin, ai Hia toé ngancéng pali weki Run.”

TITUS 1:2

agu ligeng de bengkes kudut mosé tédéng lén hitut danong empo-walok poli reké le Mori Keraéng ata toé manga nggopétN.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

WIDANG SI’ANG ONÉ HI YOHANÉS 3:19

Céing ata momangn Laku, hia rondong agu boboly Laku. Landing hitu, wingker agu teser koém ga!