LUKAS 1:17 - Bahasa Manggarai New Testament

¹⁷ agu hia te lako bolo mai Mori Keraéng oné Nai agu kuasa di Élia kudut pandé holés nai de sanggéd ema latang te anakd, agu nai disét da’at nggere-oné nai disét molor. Agu le hitu ambi te Morin ro’éng ata kopn latang te Hia.”

LUKAS 1:17 ပူးပေါင်းရင်းမြစ်များ

MATÉUS 11:14

agu-émé goris méu te tiba, hituy hi Élia hitut kudut maiy.

MATÉUS 14:4

Ali curup dé’it liha Yohanés, taén: “Toé kéta kopn ité emi hi Hérodias!”

MATÉUS 3:3

Ata tu’ungn, hia dé hiot bet du tombo le nabi Yésaya: “Manga reweng ata kepok oné satar mambak: Arong koé salang latang te Mori Keraéng, pandé helek koé salang latang te Hia.”

MATÉUS 3:4

Hi Yohanés paké baju léwé oné mai wulu unta, agu kantengn oné mai luit, hangn pusu agu waé wani.

LUKAS 1:16

hia te pandé do data Israél holés kolé nggere oné Morin, Mori Keraéng disé,

LUKAS 1:76

Agu hau, oé anak daku, te caro nabi de Mori hitut Langkas Kéta, ai hau té lako bolo mai Morih, té wé’ang salang latang té Hia,

YOHANÉS 1:13

ata situt dading toé oné mai dara ko oné mai humer de nai, toé kolé landing le ngoéng de cengata ata rona, maik oné mai Mori Keraéngn.

YOHANÉS 1:34

Polig itan laku Hia, ho’og laku téing sakasin: Hia ho’o tu’ung Anak de Mori Keraéng.”

YOHANÉS 3:28

Méu kolé ngancéng téing sakasi, ai aku poli curup: Aku toé hi Mésiask, maik wuatg aku pado olok oné mai Hia.

TOMBO PÉTÉ GORI DE RASUL-RASUL 10:33

Itu tara gélang-gélang jera ata ngo curu ité agu ali nisang nai ité mai cé’é ho’o. Te ho’on manga taung ami ga oné ranga de Mori Keraéng, kudut séngét apa kaut perénta de Mori Keraéng lut ité.”

ROMA 9:23

Mori Keraéng kolé ngoéng te toto bora mengit Diha, latang te sanggéd ata momang Diha ata poli mengkekd latang te mengit,

KOLOSÉ 1:12

agu wali di’a oné hi Ema. Hi Ema hitu dé ata pandé naun méu kudut tiba maki ata poli wérét latang te sanggéd ata serani oné adakN hitut gérak.

2 TIMOTIUS 2:21

Émé hiat cengata pandé nggeluk wekin oné-mai sanggéd pandé da’at hiat te ciri cao-ca de mbaru latang te nuk hitut mengitn. Hia pandé nggeluky, naun kudut te papé de morin agu ambi latang te nété-néténg gori ata di’ad.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

1 YOHANÉS 2:28

Sanggéd anak daku! Nai ca anggit ga agu hi Kristus, kudut émé cai Hia tai, ité harat naid te cumang agu toé cau ritak te imbi Hia.

WIDANG SI’ANG ONÉ HI YOHANÉS 20:4

Itug kali itan laku dod seriga agu penong atat lonto bétan. Isé situ tiba kuasa latang te beté-bicar. Ita kolé laku sanggéd wakar disét poli poka bokakd ali téing saka-si latang te Mori Yésus, agu landing ba keréba de Mori Keraéng. Isé so’o danong toé suju kaka hitu agu patungn, agu toé kolé tiba palas oné sa’i galad agu oné limé wanangn. Isé te mosé kolés agu perénta ného rajas cama laing agu hi Kristus tédéng ca sebu ntaung.