KOLOSÉ 4:8 - Bahasa Manggarai New Testament

⁸ Hia jera laku ngo oné méuy, betuan ga kudut pecing le méu keréba latang te ami agu kudut hia lémbu nai de méu.

KOLOSÉ 4:8 ပူးပေါင်းရင်းမြစ်များ

1 KORINTUS 4:17

Landing le hitu tara wuatn laku hi Timotéus. Hia anak momang daku, ata junggu oné Mori Keraéng. Hia kudut pandé nuk taungs le méu, co’o mosé daku ali lorong hi Kristus Yésus, cama ného ata toing daku oné nia-nia kaut wan ata serani.

2 KORINTUS 1:4

Hia ata pandé lémbu oné sanggéd susa dami, wiga ami ngancéng pandé lémbu isét do susad ali lémbu hitut tiba le rug ami oné mai Mori Keraéng.

2 KORINTUS 12:18

Bo kali aku poli tegi hi Titus kudut ngo la’at méu agu aku wuat asé-ka’é bana te ngo cama-cama agu hia. Asa hi Titus manga emi ontong oné mai méun ko? Amit-sua cenaikm agu pandé lorong ruku ata cama kolés.

2 KORINTUS 2:7

Maik méu paka ampong agu lémbu hia, kudut néka ampus ali leng bailn wéong nai.

ÉFÉSUS 6:22

Latang te hitu dé, tara jeran hia laku te ngo oné méu, kudut méu pecing keréba latang te ami agu kudut hia lémbu nai de méu.

PILIPI 2:28

Itu tara gélang-gélang kaku te wuat hia, ai émé méu ita hiam, méu ngancéng nisang kolé nais agu rehong koé wéong nai daku.

KOLOSÉ 2:2

Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

TÉSALONIKA 2:11

Pecing le méu ami ho’o, cama ného ema latang te sanggéd anakn, poli toing agu pandé mberes nai oné néténg-néténg méu.

TÉSALONIKA 3:2

Poli hitu ami susung hi Timotéus, asé-ka’é ca imbi dité agu haé-reba oné gori de Mori Keraéng latang te wéro Keréba Di’a di Kristus kudut pandé mberes nai de méu agu te metek imbis.

TÉSALONIKA 3:5

Itup tara du kembung dami toég ngancéng ta’ong kolé, aku jera hi Timotéus kudut baé laku imbi de méu, ai simpung kétak aku, émé méu poli damang le jing da’at wiga rébok dami oké-bod.

TÉSALONIKA 4:18

Landing hitu, pandé lémbu koé cama taus ali sanggéd curup so’o.

TÉSALONIKA 5:11

Landing hitu toing agu kéngko koé cama taus cama ného hitut poli pandén le méu.

TÉSALONIKA 5:14

Ami kolé toing méu, asé-ka’én; wéwa koé agu isé siot pandé sara-naid, téing lémbu koé isét mbalo naid, kambé koé isét les, lembak koém agu sanggén ata.

2 TÉSALONIKA 2:17

Landing hitu, ami toé ké’ét ngaji latang te méu, nahé Morin téing lémbu agu mberes nai oné sanggéd pandé agu curups ata di’an.