KOLOSÉ 4:7 - Bahasa Manggarai New Testament

⁷ Sanggéd keréba latang te aku kudut toi agu méus li Tikhikus, asé-ka’é dité ca imbi ata momang. Hia ata junggu agu haé reba dami ata keturu laing latangt Morin.

KOLOSÉ 4:7 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 20:4

Hia cama laing agu hi Sopatér anak di Pirus, oné mai Beréa agu hi Aristarkhus agu hi Sekundus, isét sua oné mai Tésalonika agu hi Gayus oné mai Dérbé, agu hi Timotéus agu sua taus oné mai tana Asia, hi Tikhikus agu hi Trofimus.

PILIPI 2:25

Lari nggitun, rékéng laku te jera kolé nggere-oné méu hi Épafroditus, ata poli wuat le méu danong latang te keturu aku. Hia poli ciri haé reba ca imbi daku agu haé reba ca gori daku.

KOLOSÉ 1:7

Sanggéd taung situ poli pecingd le méu oné-mai hi Épafras, haé-reba ata keturu laing ata momang lami. Hia hitut junggu agu ciri ata keturu di Kristus latang te méu.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

KOLOSÉ 4:9

Hia jera laku cama laing agu hi Onésimus, asé-ka’é ca imbi dité hitut junggu agu momang, cengata oné-mai bahi-réha méu. Isé kudut toi taung agu méu sanggéd cao-ca ata jari cé’é ho’o.

2 TIMOTIUS 4:12

Hi Tikhikus poli jera laku ngo oné Éfésus.

TITUS 3:12

Émé poli wuatn laku hi Artémas ko hi Tikhikus te cumang hau, gélang koéh mai cé’é aku oné béndar Nikopolis, ai aku poli wérét te ngo ka’éng nituk tédéng cekeng duréng.