KOLOSÉ 4:2 - Bahasa Manggarai New Testament

² Seber koém oné ngaji, agu jerék koém oné wali di’a.

KOLOSÉ 4:2 ပူးပေါင်းရင်းမြစ်များ

MATÉUS 26:41

Ambi-ambi agu ngaji koém, rantang pa’u oné damangm: ai bo kali nais sundurn, landing weki les-lémbek.”

MARKUS 13:33

“Néka témo agu wela koé matas! Ai toé pecing le méu du nia leso redun.

LUKAS 18:1

Mori Yésus tombo ca rapang agu isé kudut keri, te isé paka ngaji mtaungs, néka kangél.

LUKAS 21:36

Ambi koém, cang agu ngaji mtaung kudut méu delék mberes kudut cépé oné mai sanggéd situt kudut jaris, agu kudut méu ngancéng ta’ong hesé bolo mai ranga de Anak Manusia.”

TOMBO PÉTÉ GORI DE RASUL-RASUL 1:14

Sanggéd taung isé ca nais oné ngaji, cama laing agu pisa taus iné wai agu hi Maria endé de Mori Yésus agu sanggéd asé-ka’é'N.

ROMA 12:12

Nakam ga landing le bengkes, lembak koém du kélo agu seber koém oné ngaji!

ÉFÉSUS 6:18

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

PILIPI 4:6

Méu weli ga, néka simpungm latang té apa kaut. Maik, tombo taung sanggéd ngoéngs oné Mori Keraéng du ngaji agu du téing wali di’a.

KOLOSÉ 1:9

Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

KOLOSÉ 2:7

Poro méu kali waké caler oné Hiam agu téti éta mosé oné Hiam. Poro méu tambang mberes oné imbis, ného hitut poli toingn oné méu. Poro nai de méu peno ali wali di’a.

KOLOSÉ 3:15

Poro hambor-libur di Kristus manga tédéng oné nai de méuy, ai latang te hitu muing méu poli béntas oné ca weki. Agu wali di’am ga.

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

1 PETRUS 4:7

Sanggéd cao-ca ruis te cemols ga. Landing hitu madis agu jerék koé ba wekis, kudut ngancéng ngajim.