KOLOSÉ 4:18 - Bahasa Manggarai New Testament

¹⁸ Tabé oné-mai aku hi Paulus. Tabé ho’o tulis laku ali limé rug. Nuk koé lampang dakum oné bui ho'o. Widang de Mori Keraéng loréng méuy.

KOLOSÉ 4:18 ပူးပေါင်းရင်းမြစ်များ

ROMA 16:20

Mori Keraéng pu’un hambor-meler te gélang pandé ampus jing da’at be-wa mai wa’i de méu. Tabing de Mori Yésus, Mori dité, loréng méu!

ROMA 16:22

Tabé oné Mori Keraéng latang te sanggés méu, oné mai hi Tértius, aku ata tulis surak ho’o.

ROMA 16:23

Tabé latang te méu oné mai hi Gayus ata téi mbaru agu aku agu latang te sanggéd weki serani. Tabé latang te méu oné mai hi Érastus, bendahara (ata cau séng) disét ngara tana agu oné mai hi Kwartus, asé-ka’é ca imbi dité. [

1 KORINTUS 16:21

Ali limé rug aku tulis surak ho’o: Tabé oné-mai hi Paulus.

PILIPI 1:7

Bo tu’ung naun te aku nuk nenggituk latang te sanggés taung méu, ai méu manga oné nai dakum. Céwén kolé, méu cama-cama agu aku tiba widang de Mori Keraéng, te ho’on du aku rémé oné buig ko danong du be pé’ang-mai buig te kambé agu te ndengn Keréba Di’a hitu.

KOLOSÉ 4:3

Ngaji kolém latang te ami, kudut Mori Keraéng wuka para latang te keréba dami, wiga ami ngancéng tombo latang te pété ceha di Kristus, ai landing hitu tara buig aku.

2 TÉSALONIKA 3:17

Tabé oné-mai aku hi Paulus. Tabé ho’o tulis laku ali limé de rug. Ho’oy tandan néténg-néténg surak daku: Nenggo’oy laku tulisn.

2 TIMOTÉUS 6:21

Tara nenggitun, ai manga pisa taus ata toing nenggitu, wiga ali hitu isé wéléngs oné mai imbid. Tabing de Mori Keraéng, loréng méuy!

2 TIMOTIUS 1:8

Jari néka ritak te saka-si latang te Mori dité, agu néka ritak landing aku ata na’a oné bui landing Hia. Maik lut ta’ong susa latang te Keréba Di’a Diha, ali mberes de Mori Keraéng.

2 TIMOTIUS 4:22

Morin loréng nai de méuy. Tabing Diha loréng méuy!

TITUS 3:15

Tabé dami, ngong aku agu sanggéd asé-ka’é serani so’ot manga cama agu akus latang te hau. Tombo kolé le hau tabé dami ho’o latang te sanggéd weki serani oné nuca Keréta. Nahé Morin téing berkak agu widang sanggés taung méu!

IBRANI 13:25

Nahé tabing de Morin loréng sanggés taung méu.

IBRANI 13:3

Nuk koé ata siot oné bui, ai weki rus kolé méu néhot ata buim. Nuk kolé ata siot rendaks lata, ai weki rus méu kolé ngai mosé kis oné lino ho’o.