KOLOSÉ 4:11 - Bahasa Manggarai New Testament

¹¹ agu oné-mai hi Yésus ata ngasangn hi Yustus. Hanang isét telu so’o, oné-mai isét poli sunat ata ciri haé reba ca gori daku latang te Adak de Mori Keraéng. Isé situ poli ciri ata lémbu latang te aku.

KOLOSÉ 4:11 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 10:45

Sanggéd ata Yahudi situt imbi, ata lut hi Pétrus, lenget ali ita nabit ngong Nai Nggeluk hitut palong oné ata wa’u bana koléy,

TOMBO PÉTÉ GORI DE RASUL-RASUL 11:2

Du cain hi Pétrus oné Yérusalém, sanggéd taung ata Yahudi ata poli imbi Mori Yésus, woléng tau nukd agu hia.

ROMA 16:3

Téi koé tabé daku latang te hi Priskila agu hi Akwila, haé-réba gori daku oné Mori Yésus Kristus.

ROMA 4:12

Abraham kolé te ciri ema de sanggéd ata sunat, ngong isét toé hanang sunat, maik ata lut kolé lé’é imbi di Abraham, empo dité, du hia toé di sunat.

2 KORINTUS 6:1

Ité haé-rebat oné gori latang te Mori Keraéng, ami toing méu, kudut méu néka pandé oké-bod kaut widang de Mori Keraéng situt poli tiba de méu.

ÉFÉSUS 2:11

Oé asé-ka’én ca imbi, meu ata toé wa'u Yahudi! Damang nuk dé, co’oy mosé de méu danong: ata Yahudi situt poli sunatd caro méu “ata toé sunatm”, ngong ata poli wetik wekid le limé de manusia.

PILIPI 4:3

Ngot tegi kolé laku hau Sunsugos, haé reba daku ata junggu: campé koé isét sua. Ai isé poli mping cama laing agu akud oné wéro Keréba Di’a. Nenggitu kolé haé reba daku hi Kléméns agu haé reba daku situt iwod, ata manga ngasangd oné Buku Data Mosé.

KOLOSÉ 4:7

Sanggéd keréba latang te aku kudut toi agu méus li Tikhikus, asé-ka’é dité ca imbi ata momang. Hia ata junggu agu haé reba dami ata keturu laing latangt Morin.

TÉSALONIKA 3:2

Poli hitu ami susung hi Timotéus, asé-ka’é ca imbi dité agu haé-reba oné gori de Mori Keraéng latang te wéro Keréba Di’a di Kristus kudut pandé mberes nai de méu agu te metek imbis.

TÉSALONIKA 3:7

Asé-ka’én, landing le imbi de méu oné hi Kristus, ami ciri lémbukm koném po ami do ta’ong susa agu pola mendo.

TITUS 1:10

Ai dod atat toé kitep moséd, céwén kéta isé situt baod lut agama Yahudis. Ngoéng disé, ata toé Yahudi paka olong sunat po ciri weki serani. Ali curup nggopétd, isé pandé wéléng nuk data.

FILÉMON 1:1

Oné-mai hi Paulus ata bui landing hi Kristus Yésus agu oné-mai hi Timotéus, asé-ka’é ca imbi dité. Latang te hi Filémon, haé-reba ca gori dami ata momang kéta lami,

FILÉMON 1:24

agu oné-mai hi Markus, hi Aristarkhus, hi Démas agu hi Lukas, haé-reba ca gori agu aku.