KOLOSÉ 3:9 - Bahasa Manggarai New Testament

⁹ Néka manga kolé méu adong taus, ai méu poli loak manusia mangas agu gaukn.

KOLOSÉ 3:9 ပူးပေါင်းရင်းမြစ်များ

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

ROMA 6:6

Ai pecing lité gauk manga dité poli lut pépék oné panggol, kudut weki ndékok dité mora kuasan, kudut ité kolé néka pandé mendi wekid oné ndékok.

ÉFÉSUS 4:22

Landing hitu, okés gauk agu ba weki de méu ata laséng olo main, ai sanggéd situ pandé rowak agu wéléng méu.

ÉFÉSUS 4:25

Landing hitu, méu néka manga nggopét cama taus, ai ité asé kaé ca imbi oné hi Kristus.

KOLOSÉ 3:8

Maik te ho’on, oké taung situ ga, neho: rabo, ngger ného acu, pandé da’at, nggecer-nggewuk, pocu agu curup da’at ata pé’ang oné-mai mu’u de méu.

2 TIMOTÉUS 1:10

Ruda olon kolé, tara mangan Adak Taurat hitu latang te: ata mbérong, ata rona ngoéng cama ata ronad, empo-déhong, ata nggopét, ata wada adong agu sanggéd taung cao-ca situt woléngd agu toing molor.

WIDANG SI’ANG ONÉ HI YOHANÉS 21:27

Toé ngancéng ngo boné béndar hitud sanggéd cao-ca ata rinek, ata pandé lenci ko ata nggopét, maik hanang isét manga ngasangd oné Surak Data Mosé de Anak Jimbal hitu.

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

WIDANG SI’ANG ONÉ HI YOHANÉS 22:15

Maik isét ného acu, isét janto, isét mbérong, isét paki ata, isét io pina-naéng agu isét pandé nggopét ka’éng bepé’ang béndar hitu.