KOLOSÉ 3:24 - Bahasa Manggarai New Testament

²⁴ Pecing le méu, te oné-mai Morin méu kudut tiba mbaté ata ciri lahé de méu. Hi Kristus hitu sengajiy, agu méu ciri mendi Diham.

KOLOSÉ 3:24 ပူးပေါင်းရင်းမြစ်များ

MATÉUS 10:41

Céi-céing ata tiba nabi, ného nabiy, hia te tiba lahé de nabiy, agu céing ata tiba ata molor ného ata molory, hia te tiba lahé data molory.

MATÉUS 5:12

Naka agu nisang ga, ai mésén lahém éta Surga, ai nenggitu kolés poli lucad sanggéd nabi bebolon mai méu.”

MATÉUS 5:46

Émé méu momang ata siot momang méuy, apay di lahén latang te méu? Toé weli ata tegi béa kolé pandé nenggituy?

MATÉUS 6:16

“Agu méu émé puasam, néka sango rangas, ného pandé data pisik. Isé caling tarad kudut pala ita lata te isé lari puasad. Aku taé agu méu: moro matan, isé polig tiba lahén.

MATÉUS 6:5

“Agu émé ngaji méu, néka ného ngaji data pisik. Isé ngoéng étan ngajid cang agu heséd oné mbaru-mbaru ngaji agu oné salang mésé, kudut pala ita latas. Aku taé agu méu, moro matan, isé polig manga lahén.

LUKAS 14:14

Agu hau te cébo mosém, ai isé toé manga do’ong apa-apad te léko agu hau. Ai hau te delék walid du leso to’o koléd isét molor.”

LUKAS 6:35

Maik méu, momang koé balim, agu pandé sara di’a agu isé, agu téing célong ata toé manga bengkes laing te lékod, lahém ga te mésé kéta, agu méu te ciri anak de Mori Keraéngm hitut Éta kétay; ai Hia di’a agu ata situt toé pecing te wali di’a agu isét ata da’at.

YOHANÉS 12:26

Céing ata tiba Akuy, hia paka lut Akuy, agu nia Aku mangag nitu kolé sekontu Daku mangan. Céing ata tiba Aku, hia te hiang le Emag.

TOMBO PÉTÉ GORI DE RASUL-RASUL 20:32

Te ho’on aku téi méu oné Mori Keraéng agu oné reweng widang Diha ata manga kuasan latang te pandé metek méu, agu widang oné méu mbaté ata poli letin latang te sanggén ata poli pandé nggelukd Liha.

ROMA 1:1

Oné mai hi Paulus mendi di Kristus Yésus, ata bénta ciri rasul agu hanang latang te ba Keréba Di’a de Mori Keraéng.

ROMA 14:18

Ai céi kaut te keturu hi Kristus ali pandé ho’o, hia hitu henan oné ranga de Mori Keraéng agu hiang le cama manusia.

1 KORINTUS 11:23

Ai apa ata poli tombod laku agu méu, tombo ata poli tibad laku oné-mai Mori Keraéng, te Mori Yésus du wié hang ceki turung cemoln bebolon condoy, emi Liha roti,

1 KORINTUS 3:8

Ata weri ko ata worang cama mtaungs; agu néténg weki te tiba lahén lorong agu gori de weki-run.

1 KORINTUS 7:22

Ai mendi ata bénta le Mori Keraéng te ciri keturu Diha, mendi hitu toé manga do’ongn te ciri paéng de Mori Yésus. Nenggitu kolé ata siot toé mendi bénta le Mori Yésus, te ciri mendi Diha.

GALATIA 1:10

Jari, co’o weli ho’o ga: Aku kawé naring de manusia ko kawé naring oné-mai Mori Keraéng? Ko aku rémé emi nai de manusia, kudut naring lata? Émé nenggitu pandé daku, ngong aku toé mendi di Kristusk.

ÉFÉSUS 6:6

Pandé de méu hitu néka hanang bolo-mai ranga disé kanang, kudut te nisang nai agu te tiba naring de sengajis oné lino ho’o. Maik poro gori de méu hitu ného mendi di Kristus ata nggalas nai pandé sanggéd ngoéng de Mori Keraéng.

ÉFÉSUS 6:8

Nuk di’a-di’a, te néténg ata, mendi ko toé mendi, manga tiba lahén oné-mai Mori Keraéng latang te sanggéd pandé di’a situ.

KOLOSÉ 2:18

Néka ondang ontong de méu génggél lata siot pisik kasi-asi naid, agu suju malékats ko bombong-rakd le wéla-mata agu toé manga comongn pandé mésé-nai weki ru ali nuk de lino,

IBRANI 10:35

Landing hitu, metek kin imbis, ai mésén lahén hitut ngai géréng.

IBRANI 11:6

Maik émé toé manga imbi, toé manga ata kopn oné Mori Keraéng. Ai céing ata holés nggere-oné Mori Keraéng, ata hitu paka imbi te Mori Keraéng hitu mangay. Hia kolé paka imbi te Mori Keraéng téing lahé oné ata situt tu’ung-tu’ung kawé Hias.

IBRANI 9:15

Hitup tara hi Kristus ciri Létang-témba oné-mai reké weru, kudut isé siot poli piléd ngancéng tiba mbaté tédéng lén hitut poli reké de Mori Keraéng. Ai manga ata matad, ngong hi Kristus, latang te sambé sanggéd lagé situt poli pandéd du reké hitut laring cain papé kin.

1 PETRUS 1:4

kudut tiba mbaté hitut toé ngancéng ampusy, toé ngancéng rowak agu toé ngancéng moray, hitut pedeng éta Surga latang te méu.

2 PÉTRUS 1:1

Oné-mai hi Simon Pétrus, mendi agu rasul di Yésus Kristus; latang te méu ata cama-cama agu ami tiba imbi landing agil de Mori Keraéng agu hi Yésus Kristus, Ata Sambé dité.

YUDAS 1:1

Oné-mai hi Yudas, mendi de Mori Yésus Kristus agu asé-ka’é di Yakobus. Latang te isét poli piléd, ata momang le Mori Keraéng Ema agu sémbéng le Mori Yésus Kristus.