KOLOSÉ 3:23 - Bahasa Manggarai New Testament

²³ Apa kaut pandé de méu, pandé ga mai wa mai nain, cama ného latang te Morin agu toé latang te manusia.

KOLOSÉ 3:23 ပူးပေါင်းရင်းမြစ်များ

MATÉUS 6:16

“Agu méu émé puasam, néka sango rangas, ného pandé data pisik. Isé caling tarad kudut pala ita lata te isé lari puasad. Aku taé agu méu: moro matan, isé polig tiba lahén.

ROMA 14:6

Céing ata hitut petot kéta ca leso céwé mésén, pandé hitu diha latang te hiang Mori Keraéng. Céing ata hang apa kaut, pandé hitu liha te hiang agu te wali di’a oné Mori Keraéng. Céing ata woni, pandé hitu liha te hiang agu te wali di’a oné Mori Keraéng.

ROMA 14:8

Ai mosé dité, mosé latang te Mori Keraéng, agu mata dité, mata latang te Mori Keraéng. Jari, mosé ko mata, ité ho’o paéng de Mori Keraéng.

ÉFÉSUS 5:22

Oé méut ngasang wina! Lorong koé ronas ného lorong Mori Keraéng,

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

1 PETRUS 1:22

Méu poli pandé nggeluk wekis ali lorong wintuk de Mori Keraéng, wiga méu ngancéng momang tau asé-ka’é ca imbi le nai bakok. Poro méu tu’ung-tu’ung momang tau mai wa-mai nain.

1 PETRUS 2:13

Lorong toming de Morin, junggu koém latang te sanggéd ata cau kuasa, pu’ung oné-mai Kaisér ata landongn kuasa,

1 PETRUS 2:15

Ai ho’oy ngoéng de Mori Keraéng: Ali pandé di’a, méu tadu mu’u data bodok.