KOLOSÉ 3:22 - Bahasa Manggarai New Testament

²² Oé méut ngasang mendi, lorong koé moris oné lino ho’o, oné sanggén cao-ca, néka hanang oné ranga disé kanang kudut nisang nai disé, maik ali junggu, landing rantang Morin.

KOLOSÉ 3:22 ပူးပေါင်းရင်းမြစ်များ

MATÉUS 6:22

Mata hitu culu de weki. Émé di’ad matam gérak taung sanggén wekim.

MATÉUS 8:9

Ai weki rug kaku ata bewa-mai perénta datak agu bewa-mai aku manga kolé serdadu ata merik pangkatd. Agu émé nggo’o kaut taé daku ngong cengatan serdadu hitu: Ngoh! Ngo kauty, agu émé nggo’o kolé taé daku ngong cengatan: Mai! Mai kauty, ko latang te mendi rug: pandé ho’o, pandé kauty liha.”

LUKAS 6:46

“Co’o méu tara kepok agu Akus: Mori, Mori, kali méu toé pandés apa situt toing Daku?

LUKAS 7:8

Ai weki rug aku cengata ata be wa mai, agu be wa mai aku manga kolé serdadu. Émé taé kaut laku oné cengatan serdadu hitu: Ngoh! Ngo kaut hia; agu oné cengatan kolé: Mai!, mai kaut hia; ko agu mendig kolé: Pandé ho’o!, pandé kaut liha.”

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

2 KORINTUS 7:1

Asé ka’én ata momang laku! Ai te ho’on ité paéng reké hitu. Mait ga ité pandé nggeluk weki dité oné mai sanggéd rengkes de weki agu wakar. Ali hitu kolé pandé jepek nggeluk dité oné hiang Mori Keraéng.

GALATIA 1:10

Jari, co’o weli ho’o ga: Aku kawé naring de manusia ko kawé naring oné-mai Mori Keraéng? Ko aku rémé emi nai de manusia, kudut naring lata? Émé nenggitu pandé daku, ngong aku toé mendi di Kristusk.

KOLOSÉ 3:20

Oé anak-anak, lorong koé ata tu’as oné sanggéd cao-ca, ai hitu ata henan oné Morin.

TÉSALONIKA 2:4

Mori Keraéng poli rékéng ami patun te wéro Keréba Di’a, wiga curup dami toé kudut cembes-nai de manusia, maik kudut pandé cembes-nai de Mori Keraéng hitut damang nai dité.

FILÉMON 1:16

Teho’on ga, néka rékéng hia ného mendi, maik rékéng hia ného asé-ka’é ca imbi ata momang oné hi Kristus. Hia belarn kéta latang te aku, abén kolé latang te hau. Hia belarn kéta, ot ného mendi de hau ko ného asé-ka’é ca imbi oné ranga de Morin.