KOLOSÉ 3:17 - Bahasa Manggarai New Testament

¹⁷ Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

KOLOSÉ 3:17 ပူးပေါင်းရင်းမြစ်များ

MATÉUS 28:19

Landing hitu ngom ga, pandé koé ciri ata nungku Dakus sanggéd ata agu cebong koé isé le méu, le ngasang de Ema, agu de Anak, agu de Nai Nggeluk,

TOMBO PÉTÉ GORI DE RASUL-RASUL 19:17

Tombo hitu pecing taung le sanggéd ata Yahudi agu ata Yunani oné béndar Éfésus wiga rantang kéta taungs isé, agu tambang kéta pecing latan ngasang de Mori Yésus.

TOMBO PÉTÉ GORI DE RASUL-RASUL 4:30

Los koé limé Dité te pandé ina sanggén ata, agu pandé koé sanggéd tanda agu tanda lenget le ngasang de Mori Yésus, Mendi-Rum hitut nggeluk.

ROMA 1:8

Laring cain kéta aku wali di’a oné Mori Keraéng daku, le Yésus Kristus latang te sanggés méu, ai poli wéro-émbon keréba latang te imbi de méu oné temu tana lino.

1 KORINTUS 10:31

Landing hitu walé daku, apa kaut ata pandé de hau, hang ko inung, pandé taungs situ le hau kudut naring Mori Keraéng.

ÉFÉSUS 1:17

Tegi kolé laku oné Mori dité Yésus Kristus, kudut Hia widang koé Nai Nggeluk te si’ang Mori Keraéng oné méu wiga méu pecing tu’ung Hiam.

ÉFÉSUS 5:20

Wali di’as sanggéd cao-ca oné ngasang de Mori dité Yésus Kristus latang te naring Mori Keraéng Ema dité.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

PILIPI 2:11

Sanggéd taung isé, imbi te Hi Yésus Kristus hitu Mori, wiga bongn ngasang de Mori Keraéng, Ema!

KOLOSÉ 1:12

agu wali di’a oné hi Ema. Hi Ema hitu dé ata pandé naun méu kudut tiba maki ata poli wérét latang te sanggéd ata serani oné adakN hitut gérak.

KOLOSÉ 2:7

Poro méu kali waké caler oné Hiam agu téti éta mosé oné Hiam. Poro méu tambang mberes oné imbis, ného hitut poli toingn oné méu. Poro nai de méu peno ali wali di’a.

KOLOSÉ 3:15

Poro hambor-libur di Kristus manga tédéng oné nai de méuy, ai latang te hitu muing méu poli béntas oné ca weki. Agu wali di’am ga.

KOLOSÉ 3:23

Apa kaut pandé de méu, pandé ga mai wa mai nain, cama ného latang te Morin agu toé latang te manusia.

TÉSALONIKA 1:1

Oné-mai hi Paulus, hi Silwanus agu hi Timotéus. Latang te weki serani ata Tésalonika ata manga oné Mori Keraéng Ema agu oné Mori Yésus Kristus. Tabing agu hambor-libur loréng méuy.

TÉSALONIKA 5:18

Wali di’a oné sanggén cao-ca ai hitu ata ngoéng de Mori Keraéng, oné hi Kristus Yésus latang te méu.

2 TÉSALONIKA 2:17

Landing hitu, ami toé ké’ét ngaji latang te méu, nahé Morin téing lémbu agu mberes nai oné sanggéd pandé agu curups ata di’an.

IBRANI 1:5

Ai Mori Keraéng toé dé’it manga curup nenggo’o oné cengata malékat: “Anak Daku dé Hau! Hau poli ciri Anak Dakum leso ho’o.” Ko toé de’it kolé taé nenggo’o latang te malékat bana “Aku te ciri Ema Diha, agu Hia te ciri anak Dakuy.”

IBRANI 13:15

Landing hitu, mait ga ité, ali létang-témba de Mori Yésus nukung tité naring Mori Keraéng agu bong ngasang Diha. Hituy takung nggeluk dité latang te wali di’a oné Mori Keraéng.

1 PETRUS 2:5

Méu ondang wekis te papé laing ného watu mosé, te pandé ca mbaru nggeluk de Mori Keraéng. Ali hitu méu ciri ného imam ata gori latangt Mori Keraéng, agu létang hi Yésus Kristus podo takung ata henan oné nai de Mori Keraéng.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

1 PETRUS 4:11

Céing ata ba keréba, paka ba keréba de Mori Keraéng; céing ata keturu laing, paka keturu lorong mberes hitut widang de Mori Keraéng, kudut oné sanggén cao-ca bongy Mori Keraéng landing hi Yésus Kristus. Latang te Hia dé bong agu kuasa tédéng lén! Amén.

1 YOHANÉS 2:23

Ai céing ata pali hi Anak, hia kolé toé imbi Ema. Maik céing ata tiba hi Anak, hia kolé imbi hi Ema.

1 YOHANÉS 3:18

Sanggéd anak daku! Mait ga ité momang taud: toé le curup kanang, maik ali pandé.