KOLOSÉ 3:16 - Bahasa Manggarai New Testament

¹⁶ Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.

KOLOSÉ 3:16 ပူးပေါင်းရင်းမြစ်များ

MATÉUS 26:30

Du poli dérén lisé déré naring, ngog Mori Yésus agu sanggéd rasul nggeréta golo Zaitun.

LUKAS 2:51

Itug kali kolén Hia cama laing agu isé nggere-oné Nasarét; agu Hia uwa oné isé kin. Endén na’a oné nai taungs curup situ.

YOHANÉS 15:7

Émé méu ka’éng oné Akum, agu curup Daku ka’éng oné méus, tegi apa kaut ngoéngs, méu te tibas.

ROMA 10:17

Jari, imbi teka le dengé, agu dengé teka le keréba latang te hi Kristus.

ROMA 15:14

Asé-ka’én, ata momang laku, weki rug aku imbi tu’ung latang te méu, te méu kolé penong le di’as agu ali sanggéd nggepuk agu ngancéng te toing cama taus.

1 KORINTUS 14:15

Jari, apa ata paka pandé laku? Ho’oy ata pandé daku: Aku te ngaji ali déwag, maik nai-nawa daku kolé te ngaji, déré agu naring.

1 KORINTUS 14:26

Jari, co’o gé asé-ka’én? Émé lonto léok méu, poro néténg ata takung cao-ca: hiat cengata te mazmur, ata iwon te toing, ko téing si’ang de Mori Keraéng, ko widang mu’u luju agu lema emas, ko widang kudut pangongs mu’u luju agu lema emas situ. Ai sanggéd taung situ te pandé téti éta mosé de weki serani.

ÉFÉSUS 1:17

Tegi kolé laku oné Mori dité Yésus Kristus, kudut Hia widang koé Nai Nggeluk te si’ang Mori Keraéng oné méu wiga méu pecing tu’ung Hiam.

ÉFÉSUS 5:17

Landing hitu méu néka ného ata bodokm, maik di’a koé wuli-wekis kudut pecing ngoéng de Mori Keraéng.

ÉFÉSUS 5:19

Papé le méu mazmur oné tombo cama taus, rengguk déré naring Mori Keraéng mai wa-mai nain.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

KOLOSÉ 1:9

Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

KOLOSÉ 4:6

Poro curup de méu kanang ata cembesd agu minak dengén. Poro baé le méu, co’oy ata di'an te walé sanggéd réi data.

TÉSALONIKA 1:8

Ai pu’ung oné-mai méu reweng de Mori Keraéng éngan toé hanang oné Makédonia agu Akhaya, maik oné sanggéd osang situt poli wéro Keréba Di’a latang te imbi de méu oné Mori Keraéng. Ami toé sékék te tombo kolé Keréba Di’a hitu oné méu.

TÉSALONIKA 4:18

Landing hitu, pandé lémbu koé cama taus ali sanggéd curup so’o.

2 TÉSALONIKA 3:15

Néka rékéng hia ného ata baliy, maik wahéng kaut cama ného asé-ka’é ca imbi.

2 TIMOTÉUS 6:17

Langga kid latang te sanggéd ata bora oné lino ho’o te pandé di’a, kudut isé néka mésé-naid agu néka bengkes oné bora situt toé manga betuad. Maik bengkes kali oné Mori Keraéng hitut téing boraN oné ité, kudut mantes lité.

2 TIMOTIUS 3:15

Nuk koé kolé, pu’ung du koém hau poli pecing Surak Nggeluk ata ngancéng téing nggalas agu hau, agu titong hau nggere-oné selamak lorong imbim oné hi Kristus Yésus.

TITUS 3:6

Mori Keraéng poli widang bon kaut Nai Nggeluk latang te ité lut hi Yésus Kristus, Mori Sambé dité.

JAMES 1:5

Maik émé oné be réha méu manga ata géong nggalas-nai, céwé di’an hia tegi oné Mori Keraéng. Mori Keraéng te téing nggalas hitu latang te hia, ai Hia téing nggalas-nai oné sanggéd ata ali gawas agu lembak naiN.

JAMES 3:17

Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

JAMES 5:13

Émé manga cengata oné-mai méu ata hena le susay, céwé di’an hia ngajiy! Émé manga cengata ata nisang nain, céwé di’an hia ngaji mazmury!

1 YOHANÉS 2:14

Oé sanggés méut ngasang anak! Tulis laku latang te méu, ai pecing le méu hi Ema. Oé sanggéd méut ngasang ema! Tulis laku latang te méu, ai pecing le méu Hia hitut poli mangan du wangkan. Oé sanggéd méut ngasang ata uwa! Tulis laku latang te méu, ai mberes kis méu. Reweng de Mori Keraéng manga oné méuy agu poli kodad jing da’at le méu.

1 YOHANÉS 2:24

Landing hitu, keréba hitut poli dengén le méu du wangkan, paka kukut oné pucu, na’a oné rak agu cawi oné atis, wiga méu ciri nai ca anggit agu tuka ca léléng kis agu hi Anak agu hi Ema.

1 YOHANÉS 2:27

Ai palas hitut poli tiba le méu oné-mai hi Kristus, toé ngancéng mora kolén. Landing hitu, méu toé sékékn kolé te toing lata banam. Palas di Kristus hitu te toing méu sanggéd cao-ca; agu baé le méu te toing Diha situ molord, toé manga nggopétn. Landing hitu, méu paka nai ca anggit kis agu hi Kristus, ného ata poli toingn Liha danong.

2 YOHANÉS 1:2

Ai Mori Keraéng hitu poli nai ca anggit agu itén agu te loréng ité tédéng lén.

WIDANG SI’ANG ONÉ HI YOHANÉS 14:3

Ata situt ceratus patmpulu pat sebu, téti ca déré weru bolo-mai seriga ata léok le patd kaka agu sanggéd tu’a. Toé kéta manga ata banan ata baén déré weru hitu, hanang isét ceratus patmpulu pat sebu ata poli célad oné-mai lino.

WIDANG SI’ANG ONÉ HI YOHANÉS 15:3

Itu kali étan lise déré de Anak Jimbal agu déré di Musa, mendi de Mori Keraéng hitu. Nggo’oy icin déré hitu: “Mésé agu lenget laing sanggéd gori Dité yo Mori, Mori Keraéng Ata Pu’un kuasa! Agil agu molor sanggéd salang Dité, yo Raja de sanggéd wa’u!

WIDANG SI’ANG ONÉ HI YOHANÉS 19:10

Itug kali aku suju bolo-mai wa’i, maik mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, ata cau tu’ung saka-si de Mori Yésus. Suju Mori Keraéng kaut! Ai saka-si de Mori Yésus hitu te téing nggalas atat ba pedé de Mori Keraéng.”

WIDANG SI’ANG ONÉ HI YOHANÉS 5:9

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.