KOLOSÉ 3:10 - Bahasa Manggarai New Testament

¹⁰ Meu poli paké manusia weru hitut nukung pandé werun lorong gambar de Mori Dédék, kudut pecing tu'ung Mori Keraéng.

KOLOSÉ 3:10 ပူးပေါင်းရင်းမြစ်များ

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

ROMA 12:2

Méu néka lorong wintuk de lino ho’om, maik caling koé ali pandé weru wintuks, wiga méu ngancéng baé ngoéng de Mori Keraéng: Apa ata di’an, ata henan agu ata besikn oné Hia.

ROMA 13:12

Seréhang tana tiong te gérak gi. Landing hitu mait ga ité, oké taungs pandé nendep situ agu pakés ceca harat de gérak!

ROMA 13:14

Maik nggiling laing Mori Yésus Kristus agu néka lorong belek de weki hitut pandé lo’o todong kaut.

ROMA 6:4

Ali cebong le waé serani hitu ité poli boak agu mata cama-cama agu Hia, nenggitu kolé ité ngancéng mosé oné mosé weru. Cama ného hi Kristus poli pandé to’o kolé oné mai ata mata le angos de Mori Keraéng Ema.

ROMA 8:29

Ai sanggéd ata pilé Diha, poli petokd Liha du wangkan, kudut ciri ného tara de Anak Diha. Ali hitu, Anakn hitu te ciri ata ngaso oné mai sanggéd asé-ka’én.

2 KORINTUS 3:18

Sanggéd taung ité ho’o toé manga rédung rangad, ai sereméng mengit de Mori Keraéng. Mengit hitu mai oné mai Mori Keraéng, itu tara ité rémé célungd te ciri cama agu gambar Diha, oné mengit hitut tambang mésén.

2 KORINTUS 4:16

Landing hitu ami toé simpungkm, koném po weki dami ho’o oné-oné eresn, maik du’ang dami pandé weruy lété leso.

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

2 KORINTUS 5:17

Jari, céi ata manga oné hi Kristus, hia ata dédék weru: Hiat mangan laun ga, agu hitut weru polig cain.

GALATIA 3:27

Ai sanggés taung méut cebong le ngasang di Kristus, poli tiba ba weki di Kristus.

GALATIA 6:15

Ai sunat ko toé sunat, toé manga betuan, maik ciri manusia weru, hitu kali ata manga betuan.

ÉFÉSUS 2:10

Ité ho’o ata dédék de Mori Keraéng ai nai ca anggit hi Kristus Yésus kudut pandé sanggéd gori di’a, ata bolon polig ambin le Mori Keraéng. Ngoéng Diha kudut ité selamak moséd.

ÉFÉSUS 2:15

Adak Taurat data Yahudi agu sanggéd perentan polig koarn li Yésus Kristus wiga sua wa’u situ ciri ca wa’u weru ata nai ca anggit agu Hia. Le hitu dé, hi Kristus pandé hambor.

KOLOSÉ 3:12

Landing hitu, ai méu ata poli pilé le Mori Keraéng te ciri nggeluk agu momang Liha, méu weli ga paka: lembak nai, gawas, kasi-asi nai, hemu-hel, agu ngéngga nai.

KOLOSÉ 3:14

Bétan mai sanggéd taung situ: méu paka momang tau, ai momang tau hitu ata pandé neki-ca agu pandé besik asé-ka'é ca imbi.

FILÉMON 1:6

Ngaji daku, nahé nai ca anggit ditét ca imbi, te cir pecing mésé latang te sanggéd berkak ata manga oné ité landing le neki ca agu hi Kristus.

IBRANI 6:6

maik ledong imbid, isé situ toé ngancéng pandé weru kolés kudut teser. Isé situ pandé panggol kolé Anak de Mori Keraéng latang te weki disé agu loér Hia oné ranga data do.

1 YOHANÉS 2:3

Ho’oy tandan te ité pecing Mori Keraéng: émé lorong lité sanggéd peréntaN.

1 YOHANÉS 2:5

Maik céing ata lorong Reweng Diha, ngong momang de Mori Keraéng tu’ung-tu’ung poli jepekn oné hia. Hituy dé tandan te ité nai ca anggit agu Mori Keraéng.

WIDANG SI’ANG ONÉ HI YOHANÉS 21:5

Mai taé de Mori Keraéng hitut lonto bétan seriga, “Lélo dé, te ho’on Aku pandé sanggéd cao-ca te ciri weru!” Mai kolé taén oné aku, “Tulis ga, ai sanggéd curup so’o molord agu ngancéng imbi laings.”