KOLOSÉ 3:1 - Bahasa Manggarai New Testament

¹ Landing hitu, émé méu poli to’o kolém cama agu hi Kristus, kawé koém cao-ca situt éta Surga, nia mangan hi Kristus, ata lonto oné racap wanang de Mori Keraéngy.

KOLOSÉ 3:1 ပူးပေါင်းရင်းမြစ်များ

MATÉUS 22:44

Mori Keraéng poli curup agu Mori dakun: lonto ga oné racap wanang Daku, dengkir sangged ata bali de hau na’a Laku wa mai wa’im.

MATÉUS 26:64

Walé le Mori Yésus: “Hau polig taé le rum. Landing Aku taé agu hau, pu’ung ho’o ga méu te ita Anak Manusia lonto du racap wanang Dihat kuasa mésé, agu mai lobo rewung éta awangy.”

MATÉUS 6:20

Maik ligot le méu paéng de Surga; éta Surga koto agu ta’i upa toé ngancéng te pandé da’ats agu ata tako, toé ngancéng te rongkas agu takos.

MATÉUS 6:33

Maik olong kawé di perénta de Mori Keraéng agu molorn, wiga situt ce dod ata tambang kauts oné méus.

MARKUS 12:36

Weki run hi Daud curup ali titong de Nai Nggeluk nenggo’oy: Mori poli taé oné Mori daku: lontoh ga oné racap wanang Daku, dengkir ata balim denets Laku be wa mai wa’i de Hau.

MARKUS 14:62

Mai walé de Mori Yésus: “Tu’ung, Aku ho’oy, agu kudut ita le méu Anak Manusia lonto oné racap wanang de Mori Pu’un Kuasa, agu mai lobo rewung éta awangy.”

MARKUS 16:19

Du poli curup nenggitun Mori Yésus agu isé, héndéng Hia nggere-éta Surga, agu lonto du racap wanang de Mori Keraéng.

LUKAS 12:33

Pika taungs le méu sanggéd cao-cas agu téing recos! Pandé ga le méu kandi hitut toé ciri mangay; ngong ca ceca éta Surga hitut toé ngancéng cipotn, toé ngancéng ruis lata takon, agu toé ngancéng hang le pakotn.

LUKAS 20:42

Ai hi Daud weki run taé oné buku Mazmur: Mori Keraéng poli taé agu Mori daku: Lonto ga du racap wanang Daku,

LUKAS 22:69

Wangka ho’o main Anak Manusia, poli lonto du racap wanang de Mori Keraéngn, ata pu’un kuasa.”

TOMBO PÉTÉ GORI DE RASUL-RASUL 2:34

Ai toé hi Daud ata héndéng nggere-éta Surga, ngot weki run hi Daud kolé taé nenggo’o: Manga rewengn Mori Keraéng latang te Mori daku:

TOMBO PÉTÉ GORI DE RASUL-RASUL 7:55

Maik hi Stéfanus hitut penong le Nai Nggeluk conga nggere-éta awangy, ita angos de Mori Keraéng agu Mori Yésus hesé oné racap wanang de Mori Keraéng.

ROMA 8:34

Hi Kristus Yésus hitut poli matan? Ngot tambang kolé: Ngong Hia ata poli to’o kolén, ata poli lonto oné racap wanang de Mori Keraéng, ngot ciri Ata Kambé latang te ité?

ROMA 8:6

Ai ngoéng de manusia hitut lunggu-lepé ba nggere-oné mata, maik ngoéng de Nai Nggeluk ba nggere-oné mosé agu hambor-meler.

2 KORINTUS 4:18

Ai ami toé pinga situt ita le mata, maik situt toé itad, ai situt ita le mata latang te dokong kaut, maik situt toé itad te mosé tédéng lén.

ÉFÉSUS 4:10

Hia ata poli wa’u nggere-wan, Hia kolé ata poli ngo nggere-éta osang langkas ata céwé langkas oné-mai sanggéd awang, wiga sanggéd tanan wa, béangn éta, penong ali néraN.

ÉFÉSUS 5:22

Oé méut ngasang wina! Lorong koé ronas ného lorong Mori Keraéng,

KOLOSÉ 2:20

Émé méu poli mata camas agu hi Kristus agu poli ledo oné-mai nai de lino ho'o, co’o tara ciri mendi de wintuk situm, néhot ngai mosé kis oné lino ho'o, rapangn:

KOLOSÉ 3:2

Nuk ga cao-ca situt éta Surga, toé so’ot oné lino.

IBRANI 1:13

Ai Mori Keraéng toé dé’it manga curup nenggo’o oné cengata malékat: “Lonto ga oné racap wanang’G, dengkir pandé Laku sanggéd ata baliM, te ciri lapéng wa’iM.”

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 10:12

Maik du poli takung cangkalin kaut hélang léca, hituy kali ata ngancéng koso ndékok laing, hi Kristus lonto baling racap wanang de Mori Keraéng tédéng lén.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 8:1

Icid sanggéd taung situt tombo dité weli ga: Ité manga Imam Mésé ata nenggituy, ata lonto oné racap wanang seriga de Mori Keraéng ata Mésé Tu’ung éta Surga.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.