KOLOSÉ 2:8 - Bahasa Manggarai New Testament

⁸ Jengkek di’a-di’am, boto manga ata pandé wa-nai de méu ali go'ét mésé data hitut pandé adong. Go'ét mésé situ toé lorong hi Kristus, maik lorong toing de manusiay agu déwa-du'ang de lino ho'oy.

KOLOSÉ 2:8 ပူးပေါင်းရင်းမြစ်များ

MATÉUS 10:17

Landing jaga di’a-di’a agu ata, ai manga ata te téing méu oné isét Adak Agama, agu isé te luca méu oné mbaru ngaji.

MATÉUS 16:6

Mai taé de Mori Yésus agu isé: “Néka témo, agu jangka koé latang te ragi data Parisi agu Saduki.”

MATÉUS 7:15

“Jerék-jerék agu sanggéd nabi tangké, ata mai cé’é méu, biluk ného jimbals, kali cetu’ungn isé situ serigala da’ats.

TOMBO PÉTÉ GORI DE RASUL-RASUL 17:18

Nggitu kolé agu ata nggepuk oné mai diding Épikuros agu Stoa, léwang tau agu hia agu manga ata taé: “Apa ata kudut tombo dihat joak ho’o?” Mai kolé taé data iwod: “Hia ho’o aram ba keréba déwa-déwa bana.” Ai hi Paulus ba Keréba Di’a tombo Mori Yésus agu mosé kolén oné mai ata mata.

TOMBO PÉTÉ GORI DE RASUL-RASUL 17:32

Du dengé lisé tombo mosé kolé data mata, manga ata loérd, agu ata iwod mai taéd: “Dia-diang kaut po séngétn tombo de hau hitu ta.”

ROMA 16:17

Maik aku toing méu asé-ka’én, kudut méu néka témo agu isé siot pandé biké agu watu do’ong ata toé cumang taud agu toing situt poli tiba de méu. Tadang koé agu isé!

1 KORINTUS 10:12

Landing hitu, céing ata bet te hia mberes kétay, néka témo, boto pa’u hia hitu!

1 KORINTUS 8:9

Maik jerék koé, kudut ba weki situt sara-nai, néka ciri watu timpok laing latang te isét les kin imbid.

2 KORINTUS 10:5

Ami te pandé tepo taung néténg nawa data agu te pandé renco néténg bénténg situt hesé ali mésé-nai de manusia kudut pandé do’ong ata te pecing Mori Keraéng. Langkis lami sanggéd nuk data agu pandé kodas oné hi Kristus.

GALATIA 1:14

Oné wintuk adak Yahudi kolé aku céwé nggepuk oné-mai sanggéd haé reba ata cama uwa agu akus. Oné-mai sanggéd wa’u daku, aku kéta kali ata seber te nipu ruku agu saké adak disé empo.

GALATIA 4:3

Nenggitu kolé néng ité: Rémé toéd bisat, ité koda le kuasa de lino ho’o.

GALATIA 4:9

Maik te ho’on ga, méu poli pecings Mori Keraéng, ko céwé di’an Mori Keraéng poli pecing méu. Co’o tara holés kolés méu nggere-oné kuasa de lino hiot les agu lénggé? Co’o tara kudut pu’ung kolé mendi wekis one kuasa de lino hitu?

GALATIA 5:15

Landing émé méu ramek agu kodel cama taus, jerék di’a, boto méu pandé ampus cama taus.

ÉFÉSUS 2:2

Du hitu méu mosé lut ruku de lino ho’o, te lorong ata cau kuasa de awang ngong nai hitut weger kéta oné bahi-réha ata toé junggu agu Mori Keraéng.

ÉFÉSUS 4:20

Maik Mori Yésus Kristus hitut pecing de méu, toé nenggituy.

ÉFÉSUS 5:6

Méu néka wéléng landing le curup data siot toé manga betuan, ai curup disé situ pandé siro rabo de Mori Keraéng.

PILIPI 3:2

Jerék koém agu ata situt pandé da’at kanang gorid, ai isé situ patun te caro acus. Isé sutut kétas, te paka sunat taung sanggéd ata.

KOLOSÉ 2:18

Néka ondang ontong de méu génggél lata siot pisik kasi-asi naid, agu suju malékats ko bombong-rakd le wéla-mata agu toé manga comongn pandé mésé-nai weki ru ali nuk de lino,

KOLOSÉ 2:20

Émé méu poli mata camas agu hi Kristus agu poli ledo oné-mai nai de lino ho'o, co’o tara ciri mendi de wintuk situm, néhot ngai mosé kis oné lino ho'o, rapangn:

KOLOSÉ 2:22

Sanggéd taung wintuk situ hanang latang te dokong kaut. Émé polis papéd, toe manga betuad ga.

KOLOSÉ 2:23

Koném po itad penong ali nggalas agu ngaji pandé le rud neho suju malékat, kasi-asi nai, wahéng weki rud, sanggéd wintuk so’o toé manga betua laingd, hanang latang te pandé nisang mosé oné lino.

2 TIMOTÉUS 6:20

Oé Timotius, tinu dia-di’as apa ata poli imbid oné hau. Tadang koé oné-mai curup nggopét, pandé ata toé nggelukd agu léwang tau siot le carod pecing do, kali ata nggopét.

2 TIMOTIUS 3:13

Nakat ata da’at agu ata nggopét te tambang da’ats, isé te wéléngs agu pandé wéléngs lata.

IBRANI 13:9

Néka lut le méu sanggéd toing situt melet, ata pandé wéléng méu. Ai ata di’an, nai de méu ndeng hanang le tabing de Mori Keraéng, toé le sanggéd wintuk latang te hang ata toé manga betuan oné isé situt lorongn.

IBRANI 3:12

Jerék koém asé-ka’én, kudut oné bahi-réha méu, néka manga cengatan koé ata nai da’at agu toé imbi, wiga ledong imbi Mori Keraéng hitut pu’un mosé.

1 PETRUS 1:18

Ai pecing le méu, mosé de méu hitut toé manga belar ata tiba oné-mai empos, poli sambén le Mori Keraéng, toé ali ceca dokong, toé kolé ali pérak ko emas.

2 PÉTRUS 3:17

Méu asé-ka’én ata momang laku! Poli pecing le méu toing so’o bebolon. Landing hitu jerék koém, kudut méu néka wéléng nggere-oné salang data siot toé pecing adaks, agu pa’u oné-mai osang bate hesé cedeks.

2 YOHANÉS 1:8

Jerék koém, boto rowaks sanggéd rébok dami latangt méu. Mping koém kudut tiba le méu lahé ata jepek oné-mai Mori Keraéng.