KOLOSÉ 2:7 - Bahasa Manggarai New Testament

⁷ Poro méu kali waké caler oné Hiam agu téti éta mosé oné Hiam. Poro méu tambang mberes oné imbis, ného hitut poli toingn oné méu. Poro nai de méu peno ali wali di’a.

KOLOSÉ 2:7 ပူးပေါင်းရင်းမြစ်များ

LUKAS 6:48

hia cama agu cengata ata hitut hesé mbaru: Ata hitu caké delem kéta agu na’a lagang lobo watu. Wiga du cain mbang agu wa’a oné mbaru hitu, toé ngancéng gégon, ai mbaru hitu mangger muing du hesén.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

1 KORINTUS 1:8

Hia kolé te pandé mberes méu dengkir agu cemoln, wiga méu toé manga celas du leso cai de Mori dité Yésus Kristus.

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

2 KORINTUS 1:21

Ai Mori Keraéng ata poli pandé mberes ami agu méu te nai ca anggit oné hi Kristus; Hia kolé ata poli palas tara-wetik weki ali Nai Nggeluk,

ÉFÉSUS 3:17

Le imbis hitu, Mori Yésus ka’éng oné nai de méu agu mosé de méu ligéng le kuasa agu le momang.

ÉFÉSUS 4:21

Méu poli dengéd toing Diha. Méu ata lorong Mori Yésus, poli kolé dengén le méu gauk de Mori Keraéng ata manga oné Hia.

ÉFÉSUS 5:20

Wali di’as sanggéd cao-ca oné ngasang de Mori dité Yésus Kristus latang te naring Mori Keraéng Ema dité.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

TÉSALONIKA 5:18

Wali di’a oné sanggén cao-ca ai hitu ata ngoéng de Mori Keraéng, oné hi Kristus Yésus latang te méu.

2 TÉSALONIKA 2:17

Landing hitu, ami toé ké’ét ngaji latang te méu, nahé Morin téing lémbu agu mberes nai oné sanggéd pandé agu curups ata di’an.

IBRANI 13:15

Landing hitu, mait ga ité, ali létang-témba de Mori Yésus nukung tité naring Mori Keraéng agu bong ngasang Diha. Hituy takung nggeluk dité latang te wali di’a oné Mori Keraéng.

IBRANI 13:9

Néka lut le méu sanggéd toing situt melet, ata pandé wéléng méu. Ai ata di’an, nai de méu ndeng hanang le tabing de Mori Keraéng, toé le sanggéd wintuk latang te hang ata toé manga betuan oné isé situt lorongn.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

YUDAS 1:12

Ba weki disé so’o pandé luék pucu de méu du lonto hang cama, ai isé longkir kétas, toé ritaks ali nuk kaut weki rud. Isé cama ného rewung hiot wéwét le buru toé cir usang; cama ného haju hiot toé manga cir wuad koném po cekeng wua; ného haju siot poli kebut wakéd agu rengga kéta taungs.

YUDAS 1:20

Asé-ka’én ata momang laku! Mbo koé mosés lut imbis oné hi Kristus agu ngaji koém oné Nai Nggeluk.

YUDAS 1:24

Asé-ka’én ata momang laku! Mori Keraéng ata ngancéng sémbéng méu, kudut méu néka timpokm agu dadé méu toé do’éng ndékok bolo-mai rangaN hitut mengit agu nisang nai.