KOLOSÉ 2:3 - Bahasa Manggarai New Testament

³ Ai oné Hi Kristus cehad sanggéd nggalas agu nggepuk de Mori Keraéng.

KOLOSÉ 2:3 ပူးပေါင်းရင်းမြစ်များ

MATÉUS 10:26

Jari, néka rantang méu agu isé ai toé manga can raja ata toé téa oné géraks, agu toé manga can ata cehas ata toé pecings.

LUKAS 11:49

Landing hitu, nai ngalis de Mori Keraéng, taéN: Aku te wuat oné isé nabi-nabi agu ata nungku, maik iwod nabi-nabi agu ata nungku situ te mbelé agu kélo-balés lisé,

ROMA 11:33

Olé, leng kéta monggu-roud bora momang, leng keta mésén anor agu pecing de Mori Keraéng! Tu’ung kéta, toé ngancéng pélétd lité sanggéd nggepuk Diha. Tu’ung kéta, toé ngancéng pecings lité salang Diha.

1 KORINTUS 1:24

Maik latang te isét bénta le Mori Keraéng, ata Yahudi ko toé ata Yahudi, hi Kristus hitu mberes agu nggalas de Mori Keraéng.

1 KORINTUS 1:30

Maik, ali Mori Keraéng, méu neki ca oné hi Kristus Yésus, ata poli téi nggalas le Mori Keraéng latang te ité. Hia pandé molor agu pandé nggeluk agu sambé ité.

ÉFÉSUS 1:8

Pandé hitu Diha ai momang tu’ung itéy, agu momangN hitu pati do latangt ité oné sanggéd nggalas agu anor.

KOLOSÉ 1:19

Ai sanggén taung besik de Mori Keraéng manga taungs oné weki de AnakN.

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

KOLOSÉ 1:9

Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

KOLOSÉ 3:16

Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.

KOLOSÉ 3:3

Ai méu poli matas agu mosé de méu ceha cama-cama agu hi Kristus oné Mori Keraéng.

2 PÉTRUS 1:5

Landing hitu, méu paka tu’ung-tu’ung kéta gejur te jemut imbis le bese-di’a agu tambang bese-di’a hitu le pecing Mori Keraéng.

WIDANG SI’ANG ONÉ HI YOHANÉS 2:17

Céing ata manga tilun, poro séngét apa ata curup le Nai Nggeluk oné sanggéd weki serani: Céing ata ontong, oné hia hitu téing Laku hang manna ata pété ceha; agu widang Laku watu bakok atat bétan manga tulis weru ngasangn ata toé pecing lata bana, maik hanang lihat tiban kanang.”