KOLOSÉ 2:13 - Bahasa Manggarai New Testament

¹³ Koném po méu danong matam ali manga ndékoks agu ali toéd sunat wekis, maik poli pandé mosé kolé le Mori Keraéng cama laing agu hi Kristus. Mori Kraéng ampong taungs sanggéd ndékok dité,

KOLOSÉ 2:13 ပူးပေါင်းရင်းမြစ်များ

LUKAS 15:24

Ai anak daku ho’o néhot poli matan, maik mosé koléy, hiat poli moran, ita koléy. Itug kali raméd ga.

LUKAS 15:32

Naun kéta muing ité pandé ramé agu nakat, ai asém hitu néhot poli matan, maik mosé koléy, hia poli moran, maik ita koléy.”

LUKAS 9:60

Maik taé de Mori Yésus ngong hia: “Kongd isét mata boak cama matad; maik hau kali, ngo ga agu tombo Adak de Mori Keraéng nia-nia kaut.”

YOHANÉS 5:21

Ai cama ného hi Ema pandé to’o isét mata agu pandé mosés, nenggitu kolé Anak pandé mosé céing kaut ata ngoéng laing Liha.

YOHANÉS 6:63

Nai de Morin ata téing mosé, weki dité toé kéta manga betua laingn. Sanggéd tombo Daku situ kamping méu, hitus dé nai ata téing mosé.

ROMA 4:17

cama ného manga ata poli tulis: “Hau poli petokn Laku ciri ema de uku do” – oné ranga de Mori Keraéng, hitut imbi li Abraham. Mori Keraéng hitut pandé mosé kolé ata mata agu le curup’N kaut apa ata toé manga, cirik manga.

ROMA 6:13

Méu néka téi wekis oné ndékok kudut paké ného harat nai, maik téi taung wekis oné Mori Keraéng kudut ciri harat de sanggéd molor.

ROMA 8:11

Émé Nai Nggeluk de Mori Keraéng hitut poli pandé to’o kolé Mori Yésus oné mai ata mata ka’éng oné méuy, te Hia hitut te pandé mosé kolé néng weki de méu hitut mosé dokong. Pandé taung situ Liha ali Nai Nggeluk hitut mosé oné méu.

1 KORINTUS 15:36

Oé ata bodok! Wini situt wécak de hau toé manga todo agu moséd, émé toé di olong matas.

1 KORINTUS 15:45

Ného manga tulis oné Surak Nggeluk: “Manusia laring cain hi Adam, ciri ata moséy,” maik hi Adam ho’ot turung cemoln ciri Nai Nggeluk te pandé mosé.

2 KORINTUS 3:6

Hiap kolé ata widang mberes oné ami te ciri ata keturu laing latang te reké weru. Reké weru hitu toé oné-mai adak situt tulis, maik oné-mai Nai Nggeluk. Ai adak situt tulis pandé mata, maik Nai Nggeluk te pandé mosé.

2 KORINTUS 5:19

Ai oné hi Kristus, Mori Keraéng pandé hambor lino agu weki run Hia, agu toé manga bilangd lagé disé agu Hia poli imbi keréba pandé hambor hitu oné ami.

ÉFÉSUS 2:1

Danong méu poli matas landing le lagéng agu ndékoks.

ÉFÉSUS 2:11

Oé asé-ka’én ca imbi, meu ata toé wa'u Yahudi! Damang nuk dé, co’oy mosé de méu danong: ata Yahudi situt poli sunatd caro méu “ata toé sunatm”, ngong ata poli wetik wekid le limé de manusia.

ÉFÉSUS 5:14

Itu tara mangan curup nenggo’o: “Welam ga, oé méut toko, agu to’om ga oné-mai ata mata, ai hi Kristus te pandé gérak méuy.”

KOLOSÉ 2:12

Ai du cebong le waé serani, méu boak cama agu hi Kristus agu lut Hia méu to’o kolé lorong imbis oné kuasa de Mori Keraéng, hitut poli pandé to’o kolé Hia oné-mai ata mata.

2 TIMOTÉUS 5:6

Maik ata luang hiot bora agu mbasa-saék mosén, hia polig matan koném po mosé kin.

2 TIMOTÉUS 6:13

Oné ranga de Mori Keraéng hitut téing mosé latang te sanggéd cao-ca agu oné ranga di Kristus Yésus ata poli wérét reké molor hitu, nenggitu kolé oné ranga di Pontius Pilatus, taé laku agu hau:

IBRANI 6:1

Landing hitu, mait ga, ledong musis raja pu’u situ te nggere-olo oné bekad toing ata céwé penong latang te hi Kristus. Ité kali ga, néka pu’ung kolé toing raja pu’u so’o: sanggéd pandé siot toé manga betuad, latang te imbi oné Mori Keraéng,

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

JAMES 2:17

Nenggitu koléy imbi: Émé imbi hitu toé loréng agu pandé, oké bon imbi hitu.

JAMES 2:20

Oé ata bapa-béngot! Ngoéngm hau te tura ho’o ga, te imbi hitut toé loréng agu pandé cama kaut imbi bon?

JAMES 2:26

Ai cama ného weki: matay émé toé manga nai, nenggitu kolé imbi: oké bon émé toé loréng agu pandé.

1 YOHANÉS 2:12

Oé sanggéd anak daku! Tulis laku latang te méu, ai poli ampongd ndékok de méu le ngasang di Kristus.