KOLOSÉ 2:11 - Bahasa Manggarai New Testament

¹¹ Ai nai ca anggit agu hi Kristus, méu poli sunats: toé ali sunat hitut pandé le manusia, maik ali sunat di Kristus hiot pandé céla meu one-mai belek de wekis hitut ndékok.

KOLOSÉ 2:11 ပူးပေါင်းရင်းမြစ်များ

MARKUS 14:58

“Ami poli dengé curup data ho’o: Aku kudut pandé renco Mbaru Nggeluk ho’ot pandé de manusia agu oné telu leso kaut wa, kudut hesé Mbaru Nggeluk bana, ata toé pandé le limé de manusia.”

LUKAS 2:21

Du rapak alo leson agu Hia paka sunaty, agu téing ngasang hi Yésusy, hituy ngasang hitut taé le malékat du toéd na’ang wekin Hia le endén.

TOMBO PÉTÉ GORI DE RASUL-RASUL 17:24

Mori Keraéng poli dédék lino ho’o agu sanggéd icin. Hia hitut Mori de awang agu lino, toé ka’éng oné mbaru ata pandé le limé de manusiay.

TOMBO PÉTÉ GORI DE RASUL-RASUL 7:48

Maik Mori Keraéng Hitut Langkas kéta, toé ka’éng oné mbaru pandé le limé de manusia, cama ného hitut poli taé le nabi:

ROMA 2:29

Maik ata Yahudi tu’ung, ngong ata siot toé ita dungka kéta Yahudin; agu ata sunat tu’ung, ngong ata sunat oné nain, toé sunat kaut oné wekin. Naring latang te ata nenggitu, toé oné mai manusian, maik oné mai Mori Keraéng.

ROMA 6:6

Ai pecing lité gauk manga dité poli lut pépék oné panggol, kudut weki ndékok dité mora kuasan, kudut ité kolé néka pandé mendi wekid oné ndékok.

ROMA 7:24

Aku ho’o ata copélk! Céing ata ngancéng lego aku oné mai weki mata ho’o?

2 KORINTUS 5:1

Ai pecing lami, émé ndéi ka’éng dité oné lino ho’o rongkasy, Mori Keraéng poli améng osang éta Surga latang te ité, osang baté ka’éng tédéng lén ata toé pandé le limé de manusia.

2 KORINTUS 5:17

Jari, céi ata manga oné hi Kristus, hia ata dédék weru: Hiat mangan laun ga, agu hitut weru polig cain.

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

GALATIA 5:24

Céing kaut ata ciri paéng di Kristus Yésus, hia poli panggol wekin agu sanggéd belek da’atn agu ngoéng don.

ÉFÉSUS 4:22

Landing hitu, okés gauk agu ba weki de méu ata laséng olo main, ai sanggéd situ pandé rowak agu wéléng méu.

PILIPI 3:3

Maik, ité ho’o ata poli sunat tu’ung kéta; toé isé. Ai ité toé deming adak ata pandé de manusia. Ité suju Mori Keraéng le titong de Nai Nggeluk, agu wali di’a lité landing le nai ca anggit agu hi Kristus Yésus.

KOLOSÉ 3:5

Landing hitu pandé matas sangged belek de lino ata pande rowak wekis, neho: nelung, rinek, todong, motor agu ngomper ata cama agu io pina-naéng.

IBRANI 9:11

Hi Kristus poli main ného Imam Mésé latang te sanggéd apa ata di’ad du leso tai: Hia poli ngo boné ndéi situt céwé mésé agu céwé besik ata toé pandé le limé de manusia, ngong toé oné-mai lino ho’ot poli dédék.

IBRANI 9:24

Ai hi Kristus toé ngo oné Lo’ang Nggeluk ata pandé le limé de manusia ata toming kaut oné-mai Lo’ang Nggeluk ata tu’ungn. Maik Hia ngo nggere-oné Surga kudut cumang Mori Keraéng landing sékék dité.